ഈ മോഡൽ ഫോണുകളുടെ പുതുക്കിയ വിലകൾ പ്രഖ്യാപിച്ച് വിവോ

വൈ 91, വൈ 91 ഐ തുടങ്ങിയ സ്മാർട്ട് ഫോൺ മോഡലുകളുടെ പുതുക്കിയ വിലകൾ പ്രഖ്യാപിച്ച് വിവോ. വിപണിയിൽ ഇനിമുതൽ വൈ 91ഐക്ക് 7,990രൂപയും വൈ 91ന് 8,990 രൂപയുമാണ് വില. 6.22ഇഞ്ച് ഐപിഎസ് എൽസിഡി ഡിസ്പ്ലേയോടു കൂടിയാണ് രണ്ടും എത്തുന്നത്.

വൈ 91ൽ 13+2എം പി ഡ്യുവൽ റിയർ ക്യാമറയും, വൈ 91 ഐ ഇൽ 13എം പി റിയർ ക്യാമറയുമുണ്ട് . 8എം പിയാണ് ഇരുഫോണുകളുടെയും സെൽഫി ക്യാമറ. 2ജിഗാ ഹെട്സ് ഒക്ടകോർ പ്രോസസ്സർ, 2ജിബി റാം 32 ജിബി ഇന്റെർണൽ മെമ്മറി(എക്സ്റ്റേണൽ മെമ്മറി സ്‌റ്റോറേജ് 256 ജിബി വരെ വർദ്ധിപ്പിക്കാം) 4030 എംഎഎച്ച് ബാറ്ററിയാണ് ഫോണിന്റെ മറ്റു പ്രത്യേകതകൾ.