സുല്‍ത്താന്‍ ബത്തേരി: കെ.എസ്.ആര്‍.ടി.ബസും കാറും കൂട്ടിയിടിച്ച്‌ ഒരാൾ മരിച്ചു. രണ്ടുപേര്‍ക്ക് പരിക്കേറ്റു. മുത്തങ്ങ ഫോറസ്റ്റ് ചെക്ക് പോസ്റ്റിന് സമീപം ഞായറാഴ്ച ഉച്ചയ്ക്ക് ഒന്നരയോടെയുണ്ടായ അപകടത്തിൽ കോഴിക്കോട് സിവില്‍ സ്റ്റേഷനു സമീപം കുന്നേല്‍ ജോസ് തോമസ് (70) ആണ് മരിച്ചത്. ബത്തേരിയില്‍ നിന്നും ഗുണ്ടല്‍പേട്ട ഭാഗത്തേക്ക് പോയ കാറും എതിരെ വന്ന കെ.എസ്.ആര്‍.ടി.സി ബസും തമ്മിൽ കൂട്ടിയിടിക്കുകയായിരുന്നു. ജോസ് തോമസിന്റെ ഭാര്യ ഷീല(64), ബസ് യാത്രക്കാരന്‍ സമ്പത്തന്‍(54) എന്നിവർക്കാണ് പരിക്കേറ്റത്. ഇവരെ ആദ്യം ബത്തേരി താലൂക്ക് ആശുപത്രിയില്‍ പ്രവേശിപ്പിച്ചു. കൈയ്ക്കും നെഞ്ചിനും ഗുരുതര പരിക്കേറ്റ ഷീലയെ പിന്നീട് മേപ്പാടിയിലെ സ്വകാര്യ മെഡിക്കല്‍ കോളേജിലേക്ക് മാറ്റി.
Post Your Comments