നീരാളിയെ ജീവനോടെ കഴിക്കാമെന്ന് ലൈവില്‍ വെല്ലുവിളിയുമായെത്തിയ യുവതിക്ക് കിട്ടിയത് എട്ടിന്റെ പണി. സംഭവത്തിന്റെ ദൃശ്യങ്ങൾ ഇപ്പോൾ സമൂഹമാധ്യമങ്ങളിൽ വൈറലാണ്. ചൈനയിലെ വ്ലോഗറായ യുവതിക്കാണ് നീരാളി പണികൊടുത്തത്. നീരാളിയെ കഴിക്കാൻ ശ്രമിക്കുന്നതിനിടെ നീരാളി യുവതിയുടെ മൂക്കിലും ചുണ്ടിലും കവളിലുമെല്ലാം വരിഞ്ഞു മുറുക്കി. അതിനെ വിടുവിക്കാന്‍ നടത്തുന്ന ആദ്യ ശ്രമങ്ങളെല്ലാം വിഫലമായി.
പിടിത്തം മുറുക്കിയതോടെ അല്‍പസമയത്തിനകം യുവതി വേദന സഹിക്കാനാവാതെ കരഞ്ഞു തുടങ്ങി. പിന്നൊന്നും നോക്കിയില്ല സര്‍വ്വ ശക്തിയുമെടുത്ത് ആഞ്ഞുവലിച്ചു. ഒടുവില്‍ നീരാളി പിടിവിട്ടു. മുഖത്ത് അവിടവിടെയായി മുറിഞ്ഞ് ചോര പൊടിയുന്നതും വീഡിയോയില്‍ കാണാം. പുറത്തുവന്ന് ഒരു ദിവസത്തിനുള്ളില്‍ തന്നെ ഇരുപത് ലക്ഷത്തിലധികം പേരാണ് വീഡിയോ കണ്ടത്. ചിലര്‍ യുവതിയുടെ ധൈര്യത്തെ പരിഹസിക്കുകയാണ് ചെയ്തത്.
Post Your Comments