സൗബിന്‍ ഷാഹിര്‍ നായകനായെത്തുന്ന ആന്‍ഡ്രോയിഡ് കുഞ്ഞപ്പന്‍ വേര്‍ഷന്‍ 5.25 ചിത്രത്തിന്റെ ആദ്യഘട്ട ചിത്രീകരണം ഏപ്രില്‍ 29ന് റഷ്യയിലെ സെന്റ് പീറ്റേഴ്‌സ് ബര്‍ഗില്‍ ആരംഭിച്ചു. കണ്ണൂരാണ് ചിത്രത്തിന്റെ മറ്റൊരു ലൊക്കേഷന്‍.
ഫോഴ്‌സ്, ബദായ് ഹോ, മര്‍ഡ് കോ ദര്‍ദ് നഹി ഹോതാ എന്നീ ബോളിവുഡ് ചിത്രങ്ങളുടെയും നിരവധി പരസ്യ ചിത്രങ്ങളുടെയും പ്രൊഡക്ഷന്‍ ഡിസൈനറായ രതീഷ് ബാലകൃഷ്ണന്‍ പൊതുവാള്‍ ആദ്യമായി സംവിധാനം ചെയ്യുന്ന ചിത്രമാണ് ആന്‍ഡ്രോയിഡ് കുഞ്ഞപ്പന്‍ വേര്‍ഷന്‍ 5.25.
സുരാജ് വെഞ്ഞാറമൂട്, സൈജു കുറുപ്പ് എന്നിവരാണ് ചിത്രത്തിലെ മറ്റ് പ്രധാന അഭിനേതാക്കള്‍. ചിത്രത്തിനായി ബോളിവുഡിലും തമിഴിലുമടക്കം നിരവധി ശ്രദ്ധേയമായ ചിത്രങ്ങള്‍ക്ക് ഛായാഗ്രഹണം നിര്‍വ്വഹിച്ച മലയാളി സാനു ജോണ്‍ വര്‍ഗ്ഗീസ് ഛായാഗ്രഹണവും സൈജു ശ്രീധരന്‍ എഡിറ്റിംഗും ബിജിബാല്‍ സംഗീതവും നിര്‍വ്വഹിക്കും. ഹരിനാരായണന്റെതാണ് ഗാന രചന. ജ്യോതിഷ് ശങ്കര്‍ കലാ സംവിധാനവും ജയദേവന്‍ ചക്കാടത്ത് സൗണ്ട് ഡിസൈനിംഗും റോണക്‌സ് സേവ്യര്‍ മേക്കപ്പും നിര്‍വഹിക്കും. ജാക്കിയാണ് വസ്ത്രാലങ്കാരം നിര്‍വ്വഹിക്കുന്നത്.
മൂണ്‍ഷോട്ട് എന്റര്‍ടെയിന്‍മെന്റിന്റെ ബാനറില്‍ സന്തോഷ് ടി കുരുവിളയാണ് ചിത്രം നിര്‍മ്മിക്കുന്നത്.
Post Your Comments