പൂച്ചക്കുട്ടികളെ ജീവനോടെ ചുട്ടുകൊല്ലാൻ ശ്രമിച്ചയാൾ പിടിയിൽ

താനെ: പൂച്ചക്കുട്ടികളെ ജീവനോടെ ചുട്ടുകൊല്ലാന്‍ ശ്രമിച്ച 32-കാരൻ അറസ്റ്റിൽ. സിദ്ദേഷ് പട്ടേല്‍ എന്നയാളാണ് അറസ്റ്റിലായത്. മുംബൈയിലെ ഒരു ഹൗസിങ് കോളനിയിലാണ് സംഭവം. പൂച്ചക്കുട്ടികളെ കൊല്ലാന്‍ ശ്രമിച്ചെന്ന് ആരോപിച്ച് നാട്ടുകാരാണ് ഇയാൾക്കെതിരെ പരാതി നൽകിയത്. പൂച്ചക്കുട്ടികളെ ഒന്നൊന്നായി എടുത്ത് സിദ്ദേഷ് തീയിലേക്കെടുത്തെറിയുന്നതിന്റെ ദൃശ്യങ്ങള്‍ സിസിടിവിയില്‍ പതിഞ്ഞിരുന്നു. ഐപിസി 429-ാം വകുപ്പ് പ്രകാരമാണ് സിദ്ദേഷിനെതിരെ പൊലീസ് കേസെടുത്തത്.