കുട്ടികളുടെ പ്രിയ വീഡിയോ ഗെയിം കഥാപാത്രം സോണിക് സിനിമയിൽ അരങ്ങേറ്റം കുറിക്കുന്നു

നീല നിറത്തിൽ അപാര വേഗതയിൽ കുതിക്കുന്ന കുട്ടികളുടെ പ്രിയ വീഡിയോ ഗെയിം കഥാപാത്രമാണ് സോണിക് എന്ന മുള്ളൻപന്നി.ടോക്കിയോ ആസ്ഥാനമായ സെഗാ എന്ന കമ്പനിയുടെ വീഡിയോ ഗെയിം സോണിക് ദ ഹെജ്ഹാഗിലെ കഥാപാത്രമായ സോണിക് സിനിമയിൽ അരങ്ങേറ്റം കുറിക്കുന്നതായാണ് വിവരങ്ങൾ.

പാരാമൗണ്ട്‌ പിക്ചേഴ്‌സിന്റെ ബാനറിൽ നിർമിക്കുന്ന സിനിമയുടെ സംവിധാനം ജെഫ് ഫൌളർ ആണ്.നവംബര്‍ എട്ടിന് റിലീസിങ് നിശ്ചയിച്ചിരിക്കുന്ന ചിത്രത്തിന്റെ ആദ്യ ട്രെയിലർ അണിയറ പ്രവർത്തകർ പുറത്തുവിട്ടിരുന്നു.

ലോകം കീഴടക്കാൻ സോണികിന്റെ കഴിവുകൾ ഉപയോഗപ്പെടുത്താൻ ശ്രമിക്കുന്ന ഡോക്ടർ റോബോട്നിക് ആണ് സിനിമയിലെ വില്ലൻ.ഇയാളിൽ നിന്ന് രക്ഷപെടാൻ ശ്രമിക്കുന്ന സോണികിനെ സഹായിക്കാൻ ടോം വച്ചൌസ്കി എന്നയാൾ എത്തുന്നു. ഈ മൂന്നു പേരിലൂടെ രസകരമായാണ് സിനിമയുടെ ട്രെയിലർ സഞ്ചരിക്കുന്നത്.

https://youtu.be/FvvZaBf9QQI