ന​ഗരത്തിലെ ഡാൻസ് ബാറുകളിൽ വ്യാപക റെയ്ഡ് ; 78 യുവതികളെ രക്ഷപ്പെടുത്തി

ബെംഗളൂരു; ബം​ഗളുരു നഗരത്തിലെ ഡാൻസ് ബാറുകളിൽ സെൻട്രൽ ക്രൈംബ്രാഞ്ച് നടത്തിയ റെയ്ഡിൽ 78 യുവതികളെ രക്ഷപ്പെടുത്തി.നടത്തിപ്പുകാരായ 3 പേരെ അറസ്റ്റ് ചെയ്തു.

ഇവിടെ ബ്രിഗേഡ് റോഡിലെ ബ്രിഗേഡ് നൈറ്റ് സിക്സ് ബാർ, കലാശിപാളയത്തെനൈറ്റ് ക്വീൻ എന്നീ ബാറുകളിൽ നടത്തിയ റെയ്ഡിലാണ് നിശാ നൃത്തത്തിനെത്തിയ യുവതികളെ കണ്ടെത്തിയത്.

സംഭവത്തിൽ ബാർ മാനേജർ അശോക് ഷെട്ടി, കെ.സച്ചിൻ, പി.മോഹൻ എന്നിവരെ അറസ്റ്റ് ചെയ്തു. ബ്യൂട്ടി പാർലർ ജോലിക്കെന്നുപറഞ്ഞാണ് ഇവരെ നഗരത്തിലെത്തിച്ചിരുന്നത്.