ഖത്തറിലെ ഇന്ത്യൻ സ്കൂളുകളിൽ പ്രവേശനം കാത്ത് അഞ്ഞൂറിലേറെ വിദ്യാർത്ഥികൾ

ദോഹ: ഇന്ത്യൻ സ്‌കൂളുകളിൽ പ്രവേശനം കാത്ത് 505 വിദ്യാർഥികൾ. പുതിയ വിദ്യാലയ വർഷം ഒരുമാസം പിന്നിടാൻ ഒരു ദിവസം മാത്രമാണ് ബാക്കി നിൽക്കുന്നത്. രക്ഷിതാക്കൾ നൽകുന്ന വിവരമനുസരിച്ച് ഓരോ ക്ലാസുകളിലും ഇനിയും പ്രവേശനത്തിനായി കാത്തിരിക്കുന്ന കുട്ടികളുടെ കണക്ക് ഇങ്ങനെ കെജി1-91, കെജി2-27, 1-119, 2-28, 3-31, 4-34, 5-27, 6-24, 7-40, 8-13, 9-15, 10-2, 11-14.

പ്രവേശനം കാത്തുനിൽക്കുന്ന വിദ്യാർഥികളുടെ ക്ലാസ് തിരിച്ചുള്ള പട്ടിക ഇന്നലെ ഇന്ത്യൻ എംബസിക്ക് ഇ-മെയിൽ ചെയ്തതായി രക്ഷിതാക്കളുടെ പ്രതിനിധി ജോൺ പറഞ്ഞു.പ്രവേശന പ്രതിസന്ധിക്ക് 29 നുള്ളിൽ പൂർണ പരിഹാരം കാണുമെന്നാണ് അധികൃതർ ഉറപ്പ് നൽകിയിരുന്നത്. എന്നാൽ രക്ഷിതാക്കളും വിദ്യാർഥികളും കുറച്ചുകൂടി കാത്തിരിക്കേണ്ടിവരുമെന്നാണ് സൂചന.