ചേർത്തല: യാത്രക്കാരിയോട് അപമര്യാദയായി പെരുമാറി, കെ.എസ്.ആർ.ടി.സി ബസിൽ യാത്രക്കാരിയായ യുവതിയെ ശല്യം ചെയ്തയാൾ അറസ്റ്റിലായി.തുറവൂർ അമ്മഞ്ചേരിൽ രാഹുലിനെയാണ്(27) ചേർത്തല പൊലീസ് പിടികൂടിയത്.
യുവതി തൃശൂരിൽ നിന്ന് കൊല്ലത്തേക്ക് പോകുകയായിരുന്ന ബസിൽ സഞ്ചരിച്ചപ്പോഴാണ് ദുരനുഭവമുണ്ടായത്.വെറ്റിലയിൽ നിന്ന് ബസിൽ കയറിയ ഇയാളുടെ ശല്യം സഹിക്കാതായതിനെ തുടർന്ന് യുവതി പരാതിപ്പെട്ടതോടെ കണ്ടക്ടറും സഹയാത്രികരും ചേർന്ന് രാഹുലിനെ ചേർത്തല പൊലീസ് സ്‌റ്റേഷനിൽ ഏൽപ്പിക്കുകയായിരുന്നു.
പരാതിപ്പെട്ട യുവതിയുടെ മൊഴിയുടെ അടിസ്ഥാനത്തിൽ കേസ് രജിസ്റ്റർ ചെയ്തതായും വൈദ്യപരിശോധനയ്ക്ക് ശേഷം പ്രതിയെ കോടതിയിൽ ഹാജരാക്കുമെന്നും സി.ഐ പി. ശ്രീകുമാർ പറഞ്ഞു.
Post Your Comments