മുംബൈ:ലോകകപ്പ് ക്രിക്കറ്റ് കീരിടം ഇന്ത്യ നേടില്ലെന്ന് മുംബൈ നിവാസിയായ ജ്യോതിഷ വിദഗ്ധന്‍ ഗ്രീന്‍സ്റ്റോണ്‍ ലോബേ. ക്രിക്കറ്റ് താരങ്ങളുടെ ജനനവര്‍ഷം അനുസരിച്ച് ലോകകപ്പ് പ്രവചനം നടത്തിയിരിക്കുന്നത്.
നേരത്തെ 2011, 2015 വര്‍ഷങ്ങളിലെ ഏകദിന ലോകകപ്പ് വിജയികളെ പ്രവചിച്ചയാളാണു ലോബോ.മഹേന്ദ്ര സിങ് ധോണിയുടെ ഇന്ത്യ 2011ല്‍ കിരീടം നേടുമെന്നും മൈക്കല്‍ ക്ലാര്‍ക്കിന്റെ ഓസ്‌ട്രേലിയ 2015ല്‍ ചാംപ്യന്‍മാരുമെന്നും ടൂര്‍ണമെന്റിനു മുന്‍പു ലോബോ പ്രവചിച്ചിരുന്നു.
ഇന്ത്യയുടെ ഇത്തവണത്ത സാധ്യതകള്‍ ഇല്ലാതാക്കിയത് ക്യാപ്റ്റന്‍ വിരാട് കോഹ്ലി ജനിച്ച വര്‍ഷമാണെന്നും ലോബോ പറഞ്ഞു. 1988നു പകരം 1986ലോ, 1987 ആയിരുന്നു ജനനമെങ്കില്‍ ലോകകപ്പ് ജേതാക്കളുടെ പട്ടികയില്‍ കോഹ്ലി ഇടംപിടിച്ചേനെ.
എംഎസ് ധോണി ടീമിലില്ലായിരുന്നെങ്കിലും ഇന്ത്യ ലോകകപ്പ് നേടുമായിരുന്നെന്നു ലോബോ പറഞ്ഞു. ധോണിയുടേതു ഭാഗ്യജാതകമാണെങ്കിലും ഇപ്പോള്‍ ധോണിക്കു കഷ്ടകാലമാണ്. രവിശാസ്ത്രിയുടെ ജാതകം നല്ലതാണെങ്കിലും പരിശീലകനായി ലോകകപ്പ് നേടാനുള്ള യോഗമില്ലെന്നും ഗ്രീന്‍സ്റ്റോണ്‍ ലോബേ പറഞ്ഞു.
Post Your Comments