പോ​ലീ​സ് ന​ട​പ​ടി​യി​ല്‍ പ്ര​തി​ഷേ​ധി​ച്ച്‌ ഗ്രാ​മം വോട്ട് ബഹിഷ്‌ക്കരിച്ചു

മൊ​റാ​ദാ​ബാ​ദ്: ദ​ളി​ത​രാ​യ മൂ​ന്നു യു​വാ​ക​ള്‍​ക്കു നേ​രെ വെ​ടിവെയ്പ്പ് നടക്കുകയും ഒരാൾ കൊല്ലപ്പെടുകയും ചെയ്ത സംഭവത്തിൽ പോലീസ് നടപടി സ്വീകരിക്കാത്തതിൽ പ്രതിഷേധിച്ച് ഒരു ഗ്രാമം മുഴുവൻ വോട്ട് ബഹിഷ്‌ക്കരിച്ചു. ഉ​ത്ത​ര്‍​പ്ര​ദേ​ശി​ലെ ദ​ളി​ത് സ​മു​ദാ​യമാണ് വോട്ട് ബഹിഷ്കരിച്ചത്.

മൂ​ന്നാം ഘ​ട്ട​ത്തി​ല്‍ തെ​ര​ഞ്ഞെ​ടു​പ്പ് ന​ട​ന്ന മൊ​റാ​ദാ​ബാ​ദ് മ​ണ്ഡ​ല​ത്തി​ലാ​ണ് ആ​യി​ര​ത്തോ​ളം ദ​ളി​ത​ര്‍ വോ​ട്ട് ബ​ഹി​ഷ്ക​രി​ച്ച​ത്. ഒ​ടു​വി​ല്‍ പോ​ലീ​സ് ഒ​ത്തു​തീ​ര്‍​പ്പ് ചർച്ചകൾ നടത്തിയ ശേഷമാണ് ഗ്രാമവാസികൾ വോട്ട് രേഖപ്പെടുത്തിയത്.വോട്ടിംഗിൽ 52 ശ​ത​മാ​നം പോ​ളിം​ഗ് രേ​ഖ​പ്പെ​ടു​ത്തി​യെ​ന്നും ബി​ജ്നോ​ര്‍ ജി​ല്ലാ മ​ജി​സ്ട്രേ​റ്റ് സ​ജീ​ത് കു​മാ​ര്‍ പ​റ​ഞ്ഞു.

ബി​ജ്നോ​ര്‍ ജി​ല്ല​യി​ലെ ബ​ദാ​പു​ര്‍ പോ​ലീ​സ് സ്റ്റേ​ഷ​ന്‍ പ​രി​ധി​യിലാണ് യുവാക്കൾക്ക് നേരെ ആക്രമണം ഉണ്ടായത്.സം​ഭ​വ​ത്തി​ലെ കു​റ്റ​ക്കാ​രു​ടെ വി​വ​രം ഉ​ള്‍​പ്പെ​ടെ പോ​ലീ​സി​നു കൈ​മാ​റി​യെ​ങ്കി​ലും ന​ട​പ​ടി സ്വീ​ക​രി​ച്ചി​ല്ല. ഇ​തേ​തു​ട​ര്‍​ന്നാ​ണ് മു​കു​ന്ദ്പു​ര്‍ ഗ്രാ​മ​വാ​സി​ക​ള്‍ ഒ​ന്ന​ട​ങ്കം വോ​ട്ട് ബ​ഹി​ഷ്ക​രി​ച്ച​ത്.