നെടുമ്പാശേരി: ആറാം ക്ലാസുകാരിയെ പീഡിപ്പിച്ച കേസില്‍ അമ്മയുടെ കാമുകന്‍ പിടിയില്‍. ഭര്‍ത്താവ്‌ മരിച്ച സ്‌ത്രീയുമായി ഒന്‍പതു വര്‍ഷമായി പ്രതി ബന്ധം തുടരുന്നതിനിടെയാണ്‌ സ്‌ത്രീയുടെ മകളെ പലപ്പോഴായി പീഡിപ്പിച്ചത്‌. ഗുരുവായൂര്‍ സ്വദേശി ഷാജനാ(47)ണു പോലീസിന്റെ പിടിയിലായത്‌. സംഭവം പുറത്തുപറഞ്ഞാല്‍ കൊല്ലുമെന്നു കുട്ടിയെ ഭീഷണിപ്പെടുത്തിയിരുന്നു.
കുട്ടി സഹപാഠികളോടു പറഞ്ഞതോടെയാണു സംഭവം പുറത്തായത്‌.ഇതോടെ ജനപ്രതിനിധികൾ സംഭവത്തിൽ ഇടപെടുകയും പോലീസിൽ അറിയിക്കുകയുമായിരുന്നു. ചെങ്ങമനാട്‌ സ്‌റ്റേഷന്‍ ഹൗസ്‌ ഓഫീസര്‍ ജി. രമേശിന്റെ നേതൃത്വത്തില്‍ പോലീസെത്തി പ്രതിയെ പിടികൂടി. കോടതി 14 ദിവസത്തേക്കു റിമാന്‍ഡ്‌ ചെയ്‌തു.
Post Your Comments