അഭ്രപാളികളിലെ സ്ത്രീ സൗന്ദര്യത്തിന് പിന്നിലെ ശബ്ദ സൗന്ദര്യം ; ശബ്ദകലാകാരി ആനന്ദവല്ലി ഓര്‍മ്മയായി

തിരുവനന്തപുരം: അഭ്രപാളികളിലെ നായികമാരുടെ അഭിനയ മികവിന് ശബ്ദത്താല്‍ രാകി മിനുക്കി സൗന്ദര്യം കൂട്ടിയ ശബ്ദ പ്രതിഭ ആനന്ദവല്ലി (67) ഓര്‍മ്മയായി. തിരുവനന്തപുരത്തെ സ്വകാര്യ ആശുപത്രിയിലായിരുന്നു അന്ത്യം. . കേരളത്തിലെ കൊല്ലം ജില്ലയിൽ വെളിയം താലൂക്കിലാണ് ആനന്ദവല്ലി ജനിച്ചത്. വെളിയം കൈയെല സ്കൂളിലായിരുന്നു ആദ്യകാലവിദ്യാഭ്യാസം. അവിടെ സ്കൂൾ നാടകങ്ങളിൽ അഭിനയിക്കാൻ തുടങ്ങി. കഥാപ്രസംഗവും അവതരിപ്പിച്ചിരുന്നു.

കൗമാരപ്രായത്തിൽ ആനന്ദവല്ലി നാടകങ്ങൾക്കായി പാടാൻ തുടങ്ങി. പക്ഷേ, 1969 ൽ അപ്രതീക്ഷിതമായി, “ചിതലു കയറിയ ഭൂമി” യുടെ നാടകവേദിയിൽ ഒരു വലിയ പ്രേക്ഷകരുടെ മുന്നിൽ അവരുടെ അഭിനയത്തിലുള്ള പരിശോധന നടത്താൻ ഇടയായി. പിന്നീട് കെപിഎസി, കാളിദാസ കലാകേന്ദ്രം, ദേശാഭിമാനി തീയേറ്റേഴ്സ് ആറ്റിങ്ങൽ, കേരള തീയേറ്റേഴ്സ് കോട്ടയം, കായംകുളം പീപ്പിൾസ് തീയേറ്റേഴ്സ് എന്നിവയുടെ നാടകവേദിയിൽ അഭിനയം ആരംഭിച്ചു.

അതിനിടയില്‍ അഖിലേന്ത്യാ റേഡിയോയിൽ അനൌൺസർ ആയി പ്രവർത്തിച്ചു.

“കടു” എന്ന ചിത്രത്തിലൂടെയാണ് ആനന്ദവല്ലി ചലച്ചിത്ര രംഗത്ത് പ്രവേശിച്ചത്. ഡബ്ബിംഗ് ആർട്ടിസ്റ്റ് ജീവിതം നയിക്കാൻ തീരുമാനിക്കുന്നതു വരെ അവർ മലയാളചിത്രങ്ങളിൽ ചെറിയ സ്ഥിരം കഥാപാത്രങ്ങളെ അഭിനയിച്ചിരുന്നു. നിരവധി മലയാളചിത്രങ്ങളിൽ അഭിനയിച്ച അവർ സിനിമാ വ്യവസായത്തിൽ സജീവമായി.

1973-ൽ ദേവി കന്യാകുമാരി എന്ന ചിത്രത്തിൽ നടി രാജശ്രീക്ക് ശബ്ദം നൽകികൊണ്ട് ഒരു ഡബ്ബിംഗ് ആർട്ടിസ്റ്റായി അരങ്ങേറ്റം ചെയ്തു. മഞ്ഞിൽ വിരിഞ്ഞ പൂക്കൾ എന്ന സിനിമയിൽ പൂർണിമ ജയറാമിനു വേണ്ടി ഡബ്ബിംഗ് ചെയ്തു. ഇപ്പോൾ നിരവധി മലയാളചിത്രങ്ങളിൽ ഡബ്ബിംഗ് ചെയ്തിട്ടുണ്ട്. ഗീത, സിൽക്സ്മിത, സുമാലത, മാധവി, മേനക, അംബിക, ഉർവ്വശി, ജയപ്രധ , കാർത്തിക, പാർവ്വതി, ഗൗതമി, സുഹാസിനി, ശോഭന, സുകന്യ, ശാരദ, സരിത, സുചിത്ര, ബാംഗ്ലൂർ ഭാരതി, ഭാനുപ്രിയ, രേഖ, രേവതി, രഞ്ജിനി, മോഹിനി, നന്ദിത ബോസ്, വിനയപ്രസാദ്, കനക, ഖുശ്ബു, ഉർമിള ഉണ്ണി, ഉണ്ണി മേരി, ശാന്തികൃഷ്ണ തുടങ്ങിയ പ്രമുഖ നടിമാർക്ക് ശബ്ദം നൽകിയിട്ടുണ്ട്.

ആധാരം എന്ന ചിത്രത്തിൽ ഗീത എന്ന നടിക്ക് വേണ്ടി ശബ്ദം നൽകിയതിന് കേരള സംസ്ഥാന അവാർഡ് ലഭിച്ചു. സിനിമകളിലും സീരിയലുകളിലും ഡബ്ബിംഗ് ആർട്ടിസ്റ്റായിരുന്നു. . അന്തരിച്ച സംവിധായകന്‍ ദീപന്‍ മകനാണ്.