മലപ്പുറം: മലപ്പുറം മണ്ഡലത്തിലെ എല്‍ഡിഎഫ് സ്ഥാനാര്‍ത്ഥി വി പി സാനു നാമനിര്‍ദേശിക പത്രിക സമര്‍പ്പിച്ചു. വി.പി. സാനുവിന്റെ കൈവശം ആയിരം രൂപയും ബാങ്ക് അക്കൗണ്ടില്‍ 1422 രൂപയുമാണുള്ളത്. ഒന്‍പത് ക്രിമിനല്‍ക്കേസുകള്‍ സാനുവിന്റെ പേരിലുണ്ട്. യു.ഡി.എഫിന്റെ ഉരുക്കുകോട്ടയെന്ന് പറയുന്നതില്‍ ഒരു കാര്യവുമില്ലെന്ന് സാനു പ്രതികരിച്ചു. ഇവിടത്തെ കോളേജുകളെല്ലാം ഞങ്ങള്‍ക്ക് പിടിച്ചടക്കാനായിട്ടുണ്ട്. മണ്ഡലവും പിടിച്ചെടുക്കുമെന്നതില്‍ സംശയം വേണ്ട. ലീഗിന് ഒരു ലക്ഷത്തിലധികം ഭൂരിപക്ഷമുണ്ടായിരുന്ന മഞ്ചേരി മണ്ഡലത്തില്‍ 2004-ല്‍ ടി.കെ. ഹംസയ്ക്ക് ജയിക്കാന്‍ കഴിഞ്ഞിട്ടുണ്ട്. 2006-ല്‍ കുറ്റിപ്പുറം, പെരിന്തല്‍മണ്ണ, പൊന്നാനി, മങ്കട, തിരൂര്‍ എന്നിവിടങ്ങളിലും ഇടതുമുന്നണി അട്ടിമറിജയം നേടിയിട്ടുണ്ട്. ഒരു മാധ്യമത്തിന് നല്‍കിയ അഭിമുഖത്തില്‍ സംസാരിക്കുകയായിരുന്നു സാനു.
Post Your Comments