യുഎഇയിൽ തീപിടിത്തം : പ്രവാസി ജീവനക്കാരനു ദാരുണാന്ത്യം

അജ്മാന്‍: തീപിടിത്തത്തിൽ പ്രവാസി ജീവനക്കാരനു ദാരുണാന്ത്യം. ജ്‍മാനിലെ അല്‍ ജുര്‍ഫ് ഇന്‍ഡസ്ട്രിയല്‍ ഏരിയയിൽ പെര്‍ഫ്യൂം ഗോഡൗണിലുണ്ടായ തീപിടുത്തത്തില്‍ ഗോഡൗണില്‍ ജോലി ചെയ്തിരുന്ന ഈജിപ്ഷ്യന്‍ പൗരനാണ് മരിച്ചത്. നാല് പേര്‍ക്ക് പൊള്ളലേറ്റു. എളുപ്പത്തില്‍ തീപിടിക്കുന്ന തരത്തിലുള്ള വസ്തുക്കൾ ഗോഡൗണിൽ സൂക്ഷിച്ചിരുന്നു. ഇതിലേക്കു തീ പടര്‍ന്നു പിടിക്കുകയായിരുന്നു.

വിവരം ലഭിച്ചയുടന്‍ തന്നെ അഗ്നിശമന സേന സ്ഥലത്തെത്തി തീ നിയന്ത്രണ വിധേയമാക്കി. വിഷപ്പുക ശ്വസിച്ച് അവശനായ ജീവനക്കാരനെ ശൈഖ് ഖലീഫ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ലെന്നും പരിക്കേറ്റവരുടെ നില ഗുരുതരമല്ലെന്നും അജ്മാന്‍ സിവില്‍ ഡിഫന്‍സ് പ്രസ്താവനയിലൂടെ അറിയിച്ചു.

https://www.instagram.com/p/BvpVm14g6Qz/?utm_source=ig_web_copy_link