പുതിയ ലുലു എക്‌സ്‌പ്രസ്‌ ഈ ഗൾഫ് രാജ്യത്ത് ആരംഭിച്ചു

ദോഹ : ലുലു എക്‌സ്‌പ്രസ്‌ ശാഖ ഖത്തറിൽ ആരംഭിച്ചു. ബി. റിങ്‌ റോഡിലെ ബിൻ ദിർഹം പ്ലാസയിലാണ് ലുലു ഹൈപ്പർ മാർക്കറ്റിന്റെ എട്ടാമതു ശാഖ തുറന്നത്. മൻസൂറ, നജ്‌മ, ദോഹ ജദീദ് നിവാസികൾക്കു സൗകര്യപ്രദമായ സ്ഥലത്താണ് ലുലു എക്സ്പ്രസ് സ്ഥിതി ചെയ്യുന്നത്.

പുതുതായി തുടങ്ങിയതിന്റെ ഭാഗമായി ഒട്ടേറെ ഓഫറുകൾ പ്രഖ്യാപിച്ചിട്ടുണ്ട്. പഴങ്ങൾ, പച്ചക്കറികൾ, ഇറച്ചി, മീൻ, മുട്ട, ബേക്കറി, റെഡി ടു ഈറ്റ്‌ വിഭവങ്ങൾ, പാലും പാൽ ഉൽപന്നങ്ങളും, ഗ്രോസറി, സൗന്ദര്യ വർധക ഉൽപന്നങ്ങൾ, വീട്ടുപകരണങ്ങൾ തുടങ്ങിയവയെല്ലാം നിലവിൽ ലഭ്യമാക്കിയിട്ടുണ്ട്. കൂടാതെ മൊബൈൽ, മണി എക്‌സ്‌ചേഞ്ച്‌, ഫാർമസി, ലോൺഡ്രി സേവനങ്ങളും ലുലു എക്‌സ്‌പ്രസിൽ ഉടൻ ലഭ്യമാക്കും