കോതമംഗലം: ബൈക്കുകള്‍ തമ്മില്‍ കൂട്ടിയിടിച്ച് വിദ്യാര്‍ത്ഥികള്‍ ഉള്‍പ്പെടെ 3 പേര്‍ക്ക് പരിക്ക് പരിക്കേറ്റു. കരിങ്ങഴ ആലപ്പടി ഭാഗത്ത് വെച്ചായിരുന്നു അപകടമുണ്ടായത്. വാരപ്പെട്ടി ഇഞ്ചൂര്‍ പുതുശേരിയില്‍ ശ്യാം പൗലോസ് (22), പെരുമ്ബാവൂര്‍ ഒക്കല്‍ സ്വദേശികളായ ചെറുപറമ്ബില്‍ സി.ആര്‍. അമല്‍ (19), അജിത്ത് തോമസ് (19) എന്നിവര്‍ക്കാണ് പരിക്കേറ്റത്. ഇതില്‍ രണ്ടുപേരുടെ നില ഗുരുതരമാണെന്നാണ് റിപ്പോര്‍ട്ട്.
രാത്രി 8.30ഓടെയാണ് സംഭവം. . ബൈക്കുകള്‍ വളവില്‍ കൂട്ടിയിടിക്കുകയായിരുന്നു. കൂട്ടിയിടിയുടെ ആഘാതത്തില്‍ മൂവരും റോഡിലേക്കു തെറിച്ചുവീണു. ശബ്ദം കേട്ട് ഓടിക്കൂടിയ നാട്ടുകാരാണ് ആശുപത്രിയില്‍ എത്തിച്ചത്. കോതമംഗലം ധര്‍മഗിരി ആശുപത്രിയില്‍ എത്തിച്ച ഇവരെ പ്രഥമ ശുശ്രൂഷ നല്‍കി ആലുവ രാജഗിരി ആശുപത്രിയിലേക്ക് മാറ്റി.
Post Your Comments