തൊടുപുഴ : ലോക്‌സഭാ തെരഞ്ഞെടുപ്പിൽ കോട്ടയത്തെ സീറ്റ് സംബന്ധിച്ച് കേരളാ കോണ്‍ഗ്രസ്-എമ്മിൽ നടക്കുന്ന തര്‍ക്കത്തില്‍ വിട്ടുവീഴ്ചയില്ലാതെ മാണി വിഭാഗം. ചര്‍ച്ചകള്‍ക്കു ശേഷമാണ് കോട്ടയത്തു സ്ഥാനാര്‍ഥിയെ നിര്‍ണയിച്ചതെന്ന് റോഷി അഗസ്റ്റിന്‍ എംഎല്‍എ പറഞ്ഞു. സ്ഥാനാര്‍ഥി നിര്‍ണയ കാര്യത്തില്‍ കോണ്‍ഗ്രസ് ഇടപെട്ടതായി അറിയില്ല.
നിലവിൽ തോമസ് ചാഴികാടന്‍ പ്രചാരണവുമായി മുന്നോട്ടു പോകും. പരാജയ ഭീതിയില്ലെന്നും റോഷി അഗസ്റ്റിന്‍ കൂട്ടിച്ചേര്‍ത്തു. പി.ജെ. ജോസഫുമായി പാര്‍ട്ടി ചെയര്‍മാന്‍ സംസാരിച്ചതാണ്. പാര്‍ട്ടിയിലെ എല്ലാ ഘടകങ്ങളിലും മതിയായ ആലോചനകള്‍ നടത്തിയ ശേഷമാണ് സ്ഥാനാര്‍ഥിയെ പ്രഖ്യാപിച്ചതെന്നും റോഷി വ്യക്തമാക്കി.പ്രശനപരിഹാരത്തിന് ഇനിയും ചർച്ച നടത്തുന്നതിൽ തെറ്റില്ലെന്ന് റോഷി പറഞ്ഞു.
Post Your Comments