അഹമ്മദാബാദ്: വരാനിരിക്കുന്ന ലോക്സഭാ തെരഞ്ഞെടുപ്പിൽ പട്ടേൽ സംവരണ സമരനേതാവ് ഹാര്‍ദിക് പട്ടേൽ മത്സരിക്കുന്നുവെന്ന് സൂചന. കോൺഗ്രസ് പാർട്ടിയുടെ പിൻബലത്തോടെയായിരിക്കും മത്സരിക്കുന്നതെന്നും റിപ്പോർട്ട് ലഭിച്ചു.മാര്‍ച്ച്‌ 12ന് ഹാര്‍ദിക് കോണ്‍ഗ്രസ് ചേരുമെന്നാണ് പാര്‍ട്ടി വൃത്തങ്ങള്‍ നല്‍കുന്ന സൂചന.
അഹമ്മദാബാദിൽ നടന്ന കോൺഗ്രസ് പ്രവർത്തക സമിതി യോഗത്തിൽ പട്ടേൽ പങ്കെടുത്തിരുന്നു. പട്ടേല്‍ സംവരണം യാഥാര്‍ഥ്യമായ ശേഷമേ മത്സരിക്കു എന്നാണ് ഹാര്‍ദിക് നേരത്തെ പ്രഖ്യാപിച്ചിരുന്നത്. സംവരണം ലഭിച്ചതോടെ ലോക്സഭാ തെരഞ്ഞെടുപ്പില്‍ മത്സരിക്കുമെന്നും ഹാര്‍ദിക് സൂചന നല്‍കിയിരുന്നു.
ഗുജറാത്തിലെ ജാംനഗറില്‍നിന്നു ഹാര്‍ദിക്ക് മത്സരിക്കുമെന്നും റിപ്പോര്‍ട്ടുകളുണ്ട്. പ്രധാനമന്ത്രി നരേന്ദ്രമോഡിയുടെ സംസ്ഥാനമായ ഗുജറാത്ത് കേന്ദ്രീകരിച്ച് കോൺഗ്രസ് പുതിയ നീക്കങ്ങൾ നടത്തുമ്പോൾ ബി.ജെ.പി.ക്ക് അത് വലിയ വെല്ലുവിളിയാവുകയാണ്.
Post Your Comments