കുന്നംകുളം : പാപ്പാനെ മർദ്ദിക്കുന്നത് കണ്ടുനിൽക്കാൻ ആനയ്ക്ക് കഴിഞ്ഞില്ല. ഇതോടെ ആന തിരിഞ്ഞു. തുടർന്ന് പൂരം കാണാൻ എത്തിയ ജനം ഭയന്നോടി. നിലത്തു വീണു പരിക്കേറ്റ ചിലർ താലൂക്ക് ആശുപത്രിയിൽ ചികിൽസ തേടി. കാണിപ്പയ്യൂർ അന്നംകുളങ്ങര ഭഗവതി ക്ഷേത്രത്തിൽ പുലർച്ചെയാണ് സംഭവം അരങ്ങേറിയത്.
അടുപ്പുട്ടി സ്വദേശിയായ യുവാവാണ് എഴുന്നള്ളിപ്പിൽ പങ്കെടുക്കുകയായിരുന്ന ആനയുടെ പാപ്പാനെ ആക്രമിച്ചത്. ത്രിവേണി ആഘോഷ കമ്മിറ്റിയുടെ കൊമ്പൻ പരമേശ്വരന്റെ പാപ്പാനാണ് അടിയേറ്റത്. ഇയാൾ ആനയുടെ കാലിലേക്കു വീണതോടെ ആന തിരിഞ്ഞു. പൂരം കാണാനെത്തിയവർ നാലുപാടും ഓടുന്നതിനിടെയാണു പരിക്കേറ്റത്.പാപ്പാനെ ആക്രമിച്ച യുവാവ് പിന്നീട് കെട്ടിടത്തിന്റെ മുകളിൽനിന്ന് വീണിരുന്നു. ഇയാളെ ആശുപത്രിയിൽ പ്രവേശിപ്പിച്ചിരിക്കുകയാണ്.
Post Your Comments