വിഴിഞ്ഞം : ഒഴുക്കിൽപെട്ട വിദ്യാർഥിയുടെ മൃതദേഹം കണ്ടെത്തി. ആഴിമല കടലിൽ കുളിക്കാനിറങ്ങിയപ്പോഴായിരുന്നു അപകടം സംഭവിച്ചത്. കാണാതായ നെയ്യാറ്റിൻകര ഓലത്താന്നി വിക്ടറി വിഎച്ച്എസ്എസിലെ വിദ്യാർഥി ബാലരാമപുരം പുന്നക്കാട് തലയൽ നൈനാംകോണം ഐശ്വര്യ ഭവനിൽ കുഞ്ഞുമോൻ-സീമ ദമ്പതികളുടെ മകൻ അഭിജിത്തി(16)ന്റെ മൃതദേഹം അടിമലത്തുറ ഭാഗത്തെ കടലിൽ കണ്ടെത്തി.
വിദ്യാർഥികളുൾപ്പെട്ട എട്ടംഗ സംഘം വ്യാഴാഴ്ച വൈകിട്ട് കുളിക്കാനിറങ്ങിയതിനിടെയാണ് അപകടം നടന്നത് .തീരദേശ പോലീസ് ഗ്രേഡ് എസ്ഐമാരായ ജയകുമാർ,ശശിധരൻ, സിപിഒമാരായ ഷിബു, ഷാജൻ, ഹോംഗാർഡ് ക്രിസ് ആൻഡ്രൂസ് എന്നിവരുടെ നേതൃത്വത്തിൽ മത്സ്യത്തൊഴിലാളി വള്ളം സംഘടിപ്പിച്ച് മൃതദേഹം കരയ്ക്കെത്തിച്ചു. അഭിജിത്തിന്റെ സഹോദരങ്ങൾ: ആദർശ്, ആകാശ്.
Post Your Comments