ശ്രീനാരായണ ഗുരുവിനെ കുറിച്ച് എഴുതൂ ഒരു ലക്ഷം രൂപ നേടൂ

തിരുവനന്തപുരം: നിങ്ങള്‍ക്ക് ശ്രീനാരായണ ഗുരുവിനെ കുറിച്ച് അറിയാമെങ്കില്‍ എഴുതി ഒരു ലക്ഷം രൂപ നേടു. മതനിരപേക്ഷമായി ശ്രീനാരായണ ഗുരുവിനെ കുറിച്ച് എഴുതുന്ന നല്ല പുസ്തകത്തിന് ഒരു ലക്ഷം രൂപ അടങ്ങുന്ന ശ്രീനാരായണ രാജ്യാന്തര പുരസ്‌കാരം സമ്മാനം. ശ്രീനാരായണ രാജ്യാന്തര പഠന കേന്ദ്രമാണ് ഇതിനെ കുറിച്ച് അറിയിച്ചത്. ജാതിമതഭേദമന്യേ ഏവര്‍ക്കും നന്മ ലഭിക്കുവാനും ജാതി ഭ്രഷ്ട്ടുകള്‍ അകറ്റി ഏവരെയും ഒന്നിച്ചു നിര്‍ത്തിയ നവോത്ഥാന നായകനാണ് ശ്രീനാരായണ ഗുരു ദേവന്‍. അതുകൊണ്ട് തന്നെയും ഗുരുദേവ പ്രചരണം കേരളത്തിനു സമൂഹത്തില്‍ കൊണ്ടെത്തിക്കുന്നത്തിന് വേണ്ടിയാണ് ഈ പുരസ്‌കാരമെന്ന് ശ്രീനാരായണ അന്തര്‍ ദേശിയ പഠന കേന്ദ്രം അറിയിച്ചു.
പുസ്തകങ്ങള്‍ ഡയറക്ടര്‍ ശ്രീനാരായണ അന്തര്‍ ദേശിയ പഠന കേന്ദ്രം ചെമ്പഴത്തി പി ഒ, തിരുവനന്തപുരം – 695587 എന്ന വിലാസത്തിലാണ് അയക്കേണ്ടത്. 25 ആണ് അവസാന തീയതി.