മലപ്പുറം : എല്ലാവരുടെയും മനസ്സില്‍ ഗാന്ധിയന്‍ ആശയങ്ങളും ചിന്താഗതികളും വേണമെന്നും ഗാന്ധിയെ പ്രചോദനമായി എപ്പോഴും ഉള്ളില്‍ കൊണ്ടു നടക്കുമ്പോഴാണ് ഒരു നല്ല സമൂഹം നമുക്ക് കെട്ടിപടുക്കാന്‍ കഴിയുകയെന്നും ഗവര്‍ണര്‍ പി. സദാശിവം പറഞ്ഞു. സാംസ്‌കാരിക വകുപ്പ് സര്‍വ്വോദയ മണ്ഡലവുമായി സഹകരിച്ച് നടത്തുന്ന രക്തസാക്ഷ്യം പരിപാടിയുടെ സമാപന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ഓരോ ഇന്ത്യക്കാരനും സ്വയം ചോദിക്കണം ഗാന്ധിജി സ്വപ്നം കണ്ട ഇന്ത്യ നമുക്ക് സഫലമാക്കുവാന്‍ കഴിഞ്ഞിട്ടുണ്ടോയെന്ന്. വെടിയുതിര്‍ത്തപ്പോള്‍ ഗാന്ധിയുടെ ശരീരത്തില്‍ നിന്ന് മാത്രമല്ല ഓരോ ഇന്ത്യക്കാരന്റെയും ശരീരത്തില്‍ നിന്ന് കൂടിയാണ് രക്തംഒഴുകിയത്, ബ്രീട്ടീഷുകാരില്‍ നിന്ന് മാത്രമല്ല ഇന്ത്യയില്‍ നില നിന്നിരുന്ന ജാതീയത, തൊട്ടുകൂടായ്മ ,തീണ്ടികൂട്ടായ്മ തുടങ്ങി എല്ലാ അനാചാരങ്ങളില്‍ നിന്നു കൂടിയാണ് ഗാന്ധിജി നമുക്ക് സ്വാതന്ത്ര്യം നേടിതന്നതെന്നും അദ്ദേഹം കൂട്ടിച്ചേര്‍ത്തു. ചടങ്ങില്‍ മന്ത്രി കെ.ടി ജലീല്‍ അധ്യക്ഷത വഹിച്ചു.
Post Your Comments