ഇന്ത്യയെ സംബന്ധിച്ച് ഏറെ നിര്‍ണായകമാണ് ഓസ്‌ട്രേലിയക്കെതിരായ ഏകദിന ട്വന്റി-20 മത്സരങ്ങള്‍. എന്നാല്‍ ഈ മത്സരങ്ങളില്‍ രോഹിത് ശര്‍മയ്ക്ക് വിശ്രമം നല്‍കിയേക്കും എന്ന് സൂചന. രോഹിത് ശര്‍മ തുടര്‍ച്ചയായി മത്സരങ്ങളില്‍ പങ്കെടുക്കുന്നുണ്ട്. അതിനാല്‍ രോഹിതിന് പൂര്‍ണമായോ ഭാഗികമായോ വിശ്രമം അനുവദിക്കാനാണ് തീരുമാനം.
അതേ സമയം കഴിഞ്ഞ ന്യൂസിലാന്‍ഡിന് എതിരായ മത്സരത്തില്‍ വിശ്രമം അനുവദിച്ചിരുന്ന ക്യാപ്റ്റന്‍ വിരാട് കോഹ്ലിയും, ജസ്പ്രീത് ഭുംമ്രയും ടീമിലേക്ക് തിരിച്ചെത്തും.
അതോടൊപ്പം വരുന്ന ലോകകപ്പില്‍ കളിക്കാനുള്ളവരുടെ പട്ടികയിലേക്ക് സെലക്ഷനായി പരിഗണിക്കുന്നവരില്‍ അജിന്‍ക്യ രഹാനയ്ക്ക് ഓസീസിനെതിരെയുള്ള മത്സരം വളരെ നിര്‍ണായകമാകും.
രഹാനക്കൊപ്പം തന്നെ റിഷഭ് പന്തിനും, കാര്‍ത്തിക്കിനും ഓസീസ് പരമ്പര നിര്‍ണായകമാണ്. കാരണം ധോണിക്കൊപ്പം ഒരു വിക്കറ്റ് കീപ്പറിനെ മാത്രമാണ് ഇന്ത്യന്‍ ടീമില്‍ ഉള്‍പ്പെടുത്തുക.
അതുകൊണ്ട് തന്നെ ലോകകപ്പ് സ്‌ക്വാഡില്‍ ഈ ഇരുവരിലും ഒരാള്‍ക്ക് മാത്രമാകും സെലക്ഷന്‍ കിട്ടുക.
Post Your Comments