കുന്ദമംഗലം: കാരന്തൂര്‍ മര്‍ക്കസിനുമുന്നില്‍ നിയന്ത്രണംവിട്ട മിനി ടിപ്പര്‍ലോറി ബസ് സ്റ്റോപ്പിലേക്ക് ഇടിച്ചുകയറി ആറ് പേര്‍ക്ക് പരിക്ക്. ബസ് കാത്തുനിന്ന നാല് വിദ്യാര്‍ഥികള്‍ക്കും രണ്ട് മുതിര്‍ന്നവര്‍ക്കുമാണ് പരിക്കേറ്റത്. നെല്ലാങ്കണ്ടി സ്വദേശി മുഹമ്മദ് ഷാഫി, നരിക്കുനി സ്വദേശി സാദിഖ് എന്നിവരെ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. മറ്റുള്ളവര്‍ സമീപത്തെ സ്വകാര്യ ആശുപത്രിയില്‍ ചികിത്സതേടി. ചൊവ്വാഴ്ച രണ്ടേമുക്കാലിനാണ് അപകടം. കോഴിക്കോട് ഭാഗത്തുനിന്ന് വരികയായിരുന്ന ടിപ്പര്‍ റോഡരികിലെ വൈദ്യുത തൂണ്‍ തകര്‍ത്ത് ബസ് സ്റ്റോപ്പിലേക്ക് ഇടിച്ചുകയറുകയായിരുന്നു.
Post Your Comments