കോഴിക്കോട്: മെറ്റല്‍ നിരത്തിയ പാളത്തിലൂടെ ട്രെയിനുകള്‍ വേഗത്തില്‍ ഓടിയതോടെ ദുരിതത്തിലായി യാത്രക്കാർ. കോഴിക്കോട്ടാണ് സംഭവം. റെയില്‍വേപ്പാളങ്ങള്‍ നവീകരിക്കുന്നതിന്റെ ഭാഗമായാണ് പാളത്തിൽ മെറ്റൽ നിരത്തിയത്. പ്രത്യേക ട്രെയിനില്‍ മെറ്റലുകള്‍ നിരത്തി പണി പൂര്‍ത്തിയാക്കിയതിന് പിന്നാലെ പരശുറാം എക്‌സ്പ്രസ് എത്തുകയായിരുന്നു. ഇതോടെ മിക്ക കോച്ചുകളിലും കാഴ്ച മറയ്ക്കുന്നവിധം പൊടി തങ്ങിനിന്നു. പൊടിശല്യം രൂക്ഷമായതോടെ വാതിലുകളും ജനലുകളും യാത്രക്കാര്‍ അടച്ചിട്ടുകയും ബഹളം വെയ്ക്കുകയും ചെയ്തു. എന്നാല്‍ ഏകദേശം പതിനഞ്ച് മിനിറ്റോളം പൊടിശല്യം തുടര്‍ന്നു. പൊടിശല്യം ശ്രദ്ധയില്‍പ്പെട്ടതോടെ ലോകോപൈലറ്റ് ട്രെയിനിന്റെ വേഗം കുറയ്ക്കുകയും ചെയ്തു.
Post Your Comments