കണ്ണൂര്‍ : കഞ്ചാവ് വില്‍പ്പന നടത്താന്‍ ശ്രമിക്കവേ രണ്ട് തമിഴ്‌നാട് സ്വദേശികള്‍ കണ്ണൂര്‍ പൊലീസിന്റെ വലയിലായി. പെരുമു എന്ന പെരുമാള്‍ തേവര്‍(50),രാമു എന്ന റോബോര്‍ട്ട്( 32) എന്നിവരാണ് അറസ്റ്റിലായത്. തളിപ്പറമ്പ് നിന്നാണ് ഇവര്‍ പിടിയിലായത്.
ഇടപാടുകാരായി വേഷം മാറി രണ്ട് ദിവസമായി പ്രതികളെ നിരീക്ഷിച്ചാണ് പ്രതികളെ കഞ്ചാവ് സഹിതം പിടികൂടിയത്. എക്‌സൈസ് സര്‍ക്കിള്‍ ഇന്‍സ്‌പെക്ടര്‍ കൃഷ്ണകുമാറിന്റെ നേതൃതത്തിലുള്ള സംഘമാണ് പ്രതികളെ പിടിയിലാക്കിയത്. ഇവര്‍ക്ക് പിന്നിലുള്ള ലോബിയെ കുറിച്ച് അന്വേഷണം നടത്തി വരികയാണ്. അറസ്റ്റിലായ പ്രതികളെ കോടതി മുമ്പാകെ ഹാജരാക്കി.
റെയിഡില്‍ പ്രിവന്റീവ് ഓഫീസര്‍മാരായ എബി തോമസ്, കെ.പി.മധുസൂദനന്‍ ,സിഇഒ മാരായ വി.മനോജ്, കെ.ടി.എന്‍.മനോജ്, ജിതേഷ്.സി, എം.സുരേന്ദ്രന്‍, ഡ്രൈവര്‍ സി.വി.അനില്‍ കുമാര്‍ എന്നിവര്‍ പങ്കെടുത്തു
Post Your Comments