Latest NewsKerala

കെഎസ്ആര്‍ടിസി ബസില്‍ ടിക്കറ്റെടുക്കാതെ എംഎല്‍എ; ഒടുവില്‍ സംഭവിച്ചത്…

കൊച്ചി: കെഎസ്ആര്‍ടിസി ബസില്‍ ടിക്കറ്റ് എടുക്കാന്‍ വിസമ്മതിച്ച എംഎല്‍എയെ കൊണ്ട് ടിക്കറ്റ് എടുപ്പിച്ച് കണ്ടക്ടര്‍. സുല്‍ത്താന്‍ ബത്തേരി എംഎല്‍എയും കോണ്‍ഗ്രസ് നേതാവുമായ ഐസി ബാലകൃഷ്ണനാണ് കെഎസ് ആര്‍ടിസി ബസില്‍ ടിക്കറ്റ് എടുക്കുവാന്‍ വിസമ്മതിച്ചത്. എറണാകുളം തിരുവനന്തപുരം ലോ ഫ്ളോര്‍ ബസില്‍ ചൊവ്വാഴ്ച വൈകീട്ടോടെയാണ് സംഭവം.

ലോ ഫ്ളോറില്‍ എംഎല്‍എമാര്‍ക്ക് ടിക്കറ്റ് ആവശ്യമില്ലെന്ന് പറഞ്ഞായിരുന്നു എംഎല്‍എ ടിക്കറ്റ് എടുക്കാന്‍ വിസമ്മതിച്ചത്. എന്നാല്‍ എംഎല്‍എയുടെ വാദം കണ്ടക്ടര്‍ സമ്മതിച്ചില്ല. ഇതോടെ തര്‍ക്കമായി.
എംഎല്‍എമാര്‍ക്ക് ടിക്കറ്റെടുക്കേണ്ടെന്ന് ഐസി ബാലകൃഷ്ണന്‍ വാദിച്ചതിനു പിന്നാലെ കണ്ടക്ടര്‍ കെഎസ്ആര്‍ടിസി എംഡി ടോമിന്‍ തച്ചങ്കരിയെ നേരിട്ട് വിളിച്ച് പരാതി അറിയിച്ചു. എംഎല്‍എമാരും ടിക്കറ്റെടുക്കണമെന്ന് എംഡി പറഞ്ഞതോടെയാണ് തര്‍ക്കത്തിന് അവസാനമായത്. ഒടുവില്‍ എംഎല്‍എയ്ക്ക് ടിക്കറ്റ് എടുക്കേണ്ടി വന്നു.

shortlink

Related Articles

Post Your Comments

Related Articles


Back to top button