തിരുവനന്തപുരം : നിയമസഭയുടെ എത്തിക്സ് കമ്മിറ്റിയിൽനിന്ന് പി.സി. ജോർജ് എംഎൽഎയെ ഒഴിവാക്കി.പകരം പിറവം എംഎൽഎ അനൂപ് ജേക്കബിനെ ഉൾപ്പെടുത്തി. എ. പ്രദീപ്കുമാറാണു സമിതിയുടെ അധ്യക്ഷൻ. കന്യാസ്ത്രീക്കെതിരെ അപകീർത്തികരമായ പരാമർശം നടത്തിയതിനെ തുടർന്നാണു പി .സി. ജോർജിനെ ഒഴിവാക്കിയത്.
കന്യാസ്ത്രീയെ അധിക്ഷേപിച്ചതുമായി ബന്ധപ്പെട്ടു ജോർജിനെതിരായ പരാതി എത്തിക്സ് കമ്മിറ്റിയുടെ പരിഗണനയിലാണ്.കന്യാസ്ത്രീയെ അവഹേളിച്ചതിനു ജോർജിൽനിന്നു സമിതിതെളിവെടുത്തിരുന്നു എങ്കിലും റിപ്പോർട്ട് നൽകിയിട്ടില്ല. കൂടാതെ തനിക്കെതിരായ പരാതി പരിഗണിച്ച സമിതിയോഗങ്ങളിൽ ചട്ടപ്രകാരം ജോർജ് പങ്കെടുത്തിരുന്നില്ല.
Post Your Comments