നിര്‍മാണ സംരംഭവുമായി ജോമോന്‍ ടി ജോണ്‍; പുതിയ സിനിമയിലേക്ക് നടീനടന്‍മാരെ തേടുന്നു

പ്രശസ്ത ക്യാമറാമാന്‍ ജോമോന്‍ ടി ജോണ്‍ ആദ്യമായി നിര്‍മ്മാണ സംരംഭത്തിലേക്ക് കടക്കുന്നു.കൂടാതെ മൂക്കുത്തി എന്ന ഹ്രസ്വ ചിത്രത്തിലൂടെ സിനിമാപ്രേമികളുടെ പ്രിയങ്കരനായി മാറിയ ഗിരീഷ് എ ഡി ആണ് പ്രസ്തുത ചിത്രം സംവിധാനം ചെയ്യുന്നത്.ഉടന്‍ ചിത്രീകരണം ആരംഭിക്കുന്ന ചിത്രത്തിലേക്ക് നടീനടന്‍മാരെ തേടുന്നു. 17നും20നും ഇടയ്ക്ക് പ്രായമുള്ള ആണ്‍കുട്ടികളെയും 16നും 20നും ഇടയ്ക്ക് പ്രായമുള്ള പെണ്‍കുട്ടികളെയുമാണ് സിനിമക്ക് ആവശ്യമുള്ളത്. തൃശൂര്‍, എറണാകുളം ജില്ലയില്‍ ഉള്ളവര്‍ക്ക് മുന്‍ഗണനയുണ്ട്. ഓഡിഷനിലൂടെയായയിരിക്കും സിനിമയിലെ നായകനെയും നായികയെയും തെരഞ്ഞെടുക്കുക.

https://www.facebook.com/realcinemapranthan/photos/a.716861145033490/2209661542420102/?type=3

ചാര്‍ളിയിലൂടെ മികച്ച ഛായാഗ്രഹകനുള്ള സംസ്ഥാന അവാര്‍ഡ് സ്വന്തമാക്കിയ ക്യാമറാമാന്‍ ജോമോന്‍ ടി. ജോണ്‍, ചാര്‍ളിയിലൂടെ സ്വതന്ത്ര എഡിറ്ററായ ഷമീര്‍ മുഹമ്മദ്, ഷെബിന്‍ ബെക്കര്‍ എന്നിവര്‍ ചേര്‍ന്നാണ് പുതിയ സിനിമ നിര്‍മ്മിക്കുന്നത്. അഭിനയിക്കാന്‍ താല്‍പര്യമുള്ളവര്‍ എഡിറ്റ് ചെയ്യാത്ത ഫോട്ടോസും, ബയോഡാറ്റയും ഒരു മിനിറ്റില്‍ കവിയാത്ത പെര്‍ഫോമന്‍സ് വീഡിയോയും thanneermathanaudition@gmail.com മെയിലില്‍ അയക്കണം. സിനിമയുടെ ചിത്രീകരണം മാര്‍ച്ച് അവസാനവാരത്തോടെ ആരംഭിക്കും