മലപ്പുറം : തേങ്ങയിടാന്‍ തെങ്ങില്‍ കയറിയ തൊഴിലാളിയെ തേനീച്ച കുത്തി പരിക്കേല്‍പ്പിച്ചു. പോരൂര്‍ അയനിക്കോട് പയ്യശേരി തണ്ടുപാറക്കല്‍ അബ്ദുള്‍ ഗഫൂറി (56)നെ പരിക്കുകളോടെ വണ്ടൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു.
ചെറുകോട് ഇരുപത്തിയെട്ടില്‍ കഴിഞ്ഞദിവസം ഉച്ചക്കാണ് സംഭവം. തെങ്ങിന് മുകളിലായതിനാല്‍ മുഴുവന്‍ കുത്തും ദേഹത്ത് ഏല്‍ക്കേണ്ടിയും വന്നു. നിലത്തിറങ്ങി ആശുപത്രിയിലേക്ക് സ്വയം ഓട്ടോ വിളിച്ചെത്തുകയായിരുന്നു.
ആശുപത്രിയിലെ തീവ്രപരിചരണ വിഭാഗത്തില്‍ പ്രവേശിപ്പിച്ച ഇയാളുടെ ദേഹത്ത് നൂറോളം കുത്തുകളേറ്റിട്ടുണ്ട്.
Post Your Comments