ഡല്‍ഹി: തെരഞ്ഞെടുപ്പ് പ്രചാരണങ്ങള്‍ക്ക് തുടക്കം കുറിക്കാന്‍ മോദിക്ക് പുറമെ കോണ്‍ഗ്രസ് അധ്യക്ഷന്‍ രാഹുല്‍ ഗാന്ധിയും കേരളത്തിലേക്ക്. കോണ്‍ഗ്രസ് ബൂത്ത് പ്രസിഡന്റുമാരുടെയും വനിതാ വൈസ് പ്രസിഡന്റുമാരുടെയും സമ്മേളനത്തില്‍ സംബന്ധിക്കാന്‍ കോണ്‍ഗ്രസ് പ്രസിഡന്റ് രാഹുല്‍ ഗാന്ധി ചൊവ്വാഴ്ച കൊച്ചിയിലെത്തും.
അന്തരിച്ച എം.ഐ. ഷാനവാസ് എം.പിയുടെ വീട്ടിലെത്തി കുടുബാംഗങ്ങളെ ആശ്വസിപ്പിക്കും. ശേഷം 12.30ന് ഗസ്റ്റ് ഹൗസില്‍ യു.ഡി.എഫ്. നേതാക്കളുമായി ചര്‍ച്ച. അതിനുശേഷം മറൈന്‍െഡ്രെവില്‍ നടക്കുന്ന ബൂത്ത് പ്രസിഡന്റ്, വനിതാ വൈസ് പ്രസിഡന്റുമാരുടെ സമ്മേളനത്തില്‍ സംബന്ധിക്കും. കോണ്‍ഗ്രസ് നേതാക്കളായ എ.കെ.ആന്റണി, ഉമ്മന്‍ചാണ്ടി, രമേശ് ചെന്നിത്തല, മുകുള്‍ വാസ്‌നിക്, കെ.സി. വേണുഗോപാല്‍, പി.സി. ചാക്കോ എന്നിവര്‍ സംബന്ധിക്കും. 5.45ന് കൊച്ചിയില്‍ നിന്നും മടങ്ങും.
Post Your Comments