കൊച്ചി: ഇന്ത്യന്‍ പ്രധാനമന്തിയുടെ കൊച്ചി സന്ദര്‍ശനത്തോടനുബന്ധിച്ച്‌ ഈനാളെ കൊച്ചി സിറ്റി ട്രാഫിക്ക് ഈസ്റ്റ് സബ്ബ് ഡിവിഷന്‍ പരിധിയില്‍ അന്നേ ദിവസം താഴെപ്പറയുന്ന പ്രകാരമുളള ഗതാഗത നിയന്തണങ്ങള്‍ ഉണ്ടായിരിക്കുന്നതാണ്. കാക്കനാട് സിഗ്നല്‍ ജംഗ്ഷന്‍ ഭാഗത്ത് നിന്നും ഇരുമ്ബനം, ത്യപ്പൂണിത്തുറ ഭാഗത്തേക്ക് പോകുന്ന സീപോര്‍ട്ട് എയര്‍പ്പോര്‍ട്ട് റോഡില്‍ ഗതാഗത നിയന്ത്രണമുളളതിനാല്‍ കളമശ്ശേരി, കാക്കനാട് എന്നീ ഭാഗങ്ങളില്‍ നിന്നും സീപോര്‍ട്ട് എയര്‍പോര്‍ട്ട് റോഡ് വഴി ത്യപ്പൂണിത്തുറ ഭാഗത്തേക്ക് പോകേണ്ട വാഹനങ്ങള്‍ കാക്കനാട് സിഗ്നല്‍ ജംഗ്ഷനില്‍ നിന്നും പാലാരിവട്ടം ബൈപ്പാസില്‍ എത്തിയാത്ര തുടരേണ്ടതാണ്.
കാക്കനാട് പാര്‍ക്ക് റെസിഡന്‍സി ഹോട്ടലിന് മുന്നിലുളള റോഡിലുടെ യാത്ര ചെയ്യുവാന്‍ ഉദ്ദ്യേശിക്കുന്നവര്‍ കാക്കനാട് സിഗ്നല്‍ ജംഗ്ഷനില്‍ നിന്നും പാലാരിവട്ടം ബൈപ്പാസില്‍ എത്തി യാത്ര തുടരേണ്ടതാണ്.
കരിമുകള്‍ ജംഗ്ഷനില്‍ നിന്നും അമ്ബലമുകള്‍ ഭാഗത്തേയ്ക്ക് ഗതാഗത നിയന്ത്രണമുളളതിനാല്‍ ആലുവ, പെരുമ്ബാവൂര്‍, വണ്ടര്‍ലാ, പളളിക്കര ഭാഗത്ത് നിന്ന് വരുന്ന വാഹനങ്ങള്‍ കരിമുകള്‍ ജംഗ്ഷനില്‍ നിന്നും ഇടത്തോട്ട് തിരിഞ്ഞ് പീച്ചിങ്ങച്ചിറ ജംഗ്ഷനില്‍ എത്തി അവിടെ നിന്നും പുത്തന്‍കുരിശ് വഴി തിരുവാങ്കുളത്തെത്തി യാത്ര തുടരേണ്ടതാണ്. എരൂര്‍ ഭാഗത്ത് നിന്നും ഇരുമ്ബനം ഭാഗത്തേക്ക് വാഹന ഗതാഗതം അനുവദിക്കുന്നതല്ല. എരൂര്‍ ഭാഗത്ത് നിന്ന് എസ്.എന്‍. ജംഗ്ഷനിലേക്ക് വരുന്നവര്‍ എസ്.എന്‍. ജംഗ്ഷനില്‍ നിന്നും നേരെ കിഴക്കേകോട്ട ജംഗ്ഷനില്‍ എത്തി യാത്ര തുടരേണ്ടതാണ്.
Post Your Comments