കൊച്ചി : പ്രധാനമന്ത്രി നരേന്ദ്രമോദിയുടെ കേരള സന്ദര്‍ശനത്തെ പരാമര്‍ശിച്ച് സിപിഎം ജനറല്‍ സെക്രട്ടറി സീതാറാം യെച്ചൂരി. നാളെയുവമോര്‍ച്ച സംസ്ഥാന സമ്മേളനത്തില്‍ പങ്കെടുക്കാന്‍ വേണ്ടിയാണ് പ്രധാനമന്ത്രി നരേന്ദ്രമോഡി തൃശൂരില്‍ എത്തുന്നത്.
വൈകീട്ട് നാലിന് കുട്ടനെല്ലൂരില്‍ ഹെലിപാഡിലിറങ്ങുന്ന പ്രധാനമന്ത്രി റോഡുമാര്‍ഗം 4.15ന് തേക്കിന്‍കാട് മൈതാനിയില്‍ സി.എം.എസ്. സ്‌കൂളിനു മുന്നിലെ പൊതുസമ്മേളനം ഉദ്ഘാടനം ചെയ്യും. തുടര്‍ന്ന് 5.15ന് ഡല്‍ഹിക്കു തിരിക്കും.
സാധാരണയായി ചരിത്രത്തില്‍ റിപബ്ലിക് ദിനത്തില്‍ പ്രധാനമന്ത്രിമാര്‍ ഡല്‍ഹി വിടാറില്ലെന്നും എന്നാല്‍ ഇത്തവണത്തെ റിപബ്ലിക്ക് ദിനം അവസാനിക്കുന്നതിന് മുന്‍പ് പ്രധാനമന്ത്രി കേരളത്തിലേക്ക് പറക്കാന്‍ ഒരുങ്ങുകയാണെന്നും യെച്ചൂരി പറഞ്ഞു. ഇത് അവര്‍ക്ക് കേരളം എത്രമാത്രം പ്രധാനപ്പെട്ടതാണന്നാണ് വ്യക്തമാക്കുന്നത്’ സീതാറാം യെച്ചൂരി പറഞ്ഞു. ആര്‍.എസ്.എസ് – ബി.ജെ.പി സര്‍ക്കാരിനെ പരാജയപ്പെടുത്തുകയാണ് ഈ തെരഞ്ഞെടുപ്പില്‍ സി.പി.ഐ.എമ്മിന്റെ പ്രധാന ലക്ഷ്യമെന്നും സീതാറാം യെച്ചൂരി കൂട്ടിച്ചേര്‍ത്തു.
Post Your Comments