ജൂണ്‍ സിനിമയുടെ ഗാനാലാപനത്തിനായി ലഭിച്ചത് രണ്ടായിരം എന്‍ട്രികള്‍. അതില്‍ നിന്നും 100 പേരെ ഓഡിഷന്‍ നടത്തി. തിരഞ്ഞെടുത്ത ആ ഭാഗ്യ ഗായികയായ ബിന്ദു അനിരുദ്ധന്റെ ടീസര്‍ പുറത്ത് വിട്ടിരിക്കുകയാണ് സിനിമയുടെ അണിയറപ്രവര്‍ത്തകര്‍. കൂട് വിട്ട് എന്ന് തുടങ്ങുന്ന ഗാനത്തിന്റെ ടീസറാണ് പുറത്ത് വിട്ടിരിക്കുന്നത്. മുഴുവന്‍ ഗാനം നാളെ പുറത്തിറങ്ങും.
ഇഫ്തിയാണ് ജൂണിന്റെ സംഗീത സംവിധാനം നിര്‍വഹിച്ചിരിക്കുന്നത്. വിനായക് ശശികുമാറിന്റേതാണ് വരികള്‍. രജിഷ വിജയന്‍ വിവിധ ഗെറ്റപ്പുകളിലെത്തുന്ന ജൂണ്‍ നവാഗതനായ അഹമ്മദ് കബീറാണ് സംവിധാനം ചെയ്യുന്നത്. ഫ്രൈഡെ ഫിലിംസിന്റെ ബാനറില്‍ വിജയ് ബാബുവാണ് ജൂണ്‍ നിര്‍മ്മിച്ചിരിക്കുന്നത്. പതിനേഴ് വയസ്സു മുതല്‍ 25 വയസ്സു വരെ പ്രായത്തിലുള്ള ആറു ഗെറ്റപ്പുകളിലാണ് രജിഷ വിജയന്‍ ജൂണില്‍ വേഷമിട്ടിരിക്കുന്നത്. അഹമ്മദ് കബിറിന് പുറമെ, ലിബിന്‍ വര്‍ഗീസും ജീവന്‍ ബേബി മാത്യൂവും ചേര്‍ന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ഫെബ്രുവരിയില്‍ ചിത്രം റിലീസിനെത്തും.
Post Your Comments