ബൈക്ക് അപകടം : നവവധുവും പ്ലസ്ടു വിദ്യാര്‍ത്ഥിയും മരിച്ചു

മലപ്പുറത്ത് വാഹനാപകടത്തില്‍ നവ വധുവിനും പതിനെട്ടുകാരനും ദാരുണാന്ത്യം. പെരിന്തല്‍മണ്ണ കൊളത്തൂരിലാണ് 3 ബൈക്കുകള്‍ കൂട്ടിയിടിച്ച് ആയിരുന്നു അപകടം.അപകടത്തില്‍ നവവധുവും പ്ലസ്ടു വിദ്യാര്‍ഥിയും മരിച്ചു.

കൊളത്തൂര്‍ അമ്പലപ്പടി പുതുവാക്കുത്ത് അനസിന്റെ ഭാര്യ ജാസ്മിന്‍(18), പലകപ്പറമ്പ് പള്ളിയാല്‍തൊടി ഹുസൈന്റെ മകന്‍ സല്‍മാന്‍(18) എന്നിവരാണു മരിച്ചത്.കഴിഞ്ഞ ഞായറാഴ്ചയായിരുന്നു ജാസ്മിന്റെയും അനസിന്റെയും വിവാഹം. ബന്ധുവീട്ടില്‍നിന്ന് സല്‍ക്കാരം കഴിഞ്ഞു മടങ്ങുമ്പോഴാണ് അപകടം