കണ്ണൂര്‍: ജില്ലാ സീനിയര്‍ ഡിവിഷന്‍ ഫുട്ബോള് ലീഗില്‍ കണ്ണൂര്‍ എസ്എന്‍ കോളേജ് ചാമ്പ്യന്മാരായി. പയ്യന്നൂര്‍ കോളേജിനെ ഏകപക്ഷീയമായ രണ്ട് ഗോളുകള്‍ക്കാണ് പരാജയപ്പെടുത്തിയത്. ജില്ലാ പൊലീസാണ് ടൂര്‍ണമെന്റിലെ റണ്ണേഴ്‌സ്.
മികച്ച കളിക്കാരനായി എസ്എന്‍ കോളേജിന്റെ ഷിബിന്‍സാദിനെയും മികച്ച ഗോള്‍കീപ്പറായി പൊലീസ് ടീമിലെ ഷിജിത്തിനെയും മികച്ച ഡിഫന്‍ഡറായി എസ്എന്‍ കോളേജിലെ വി ഷിനോയ്യെയും മികച്ച ഫോര്‍വേഡായി പയ്യന്നൂര്‍ കോളേജിന്റെ സനല്‍രാജിനെയും മികച്ച ഹാഫായി പയ്യന്നുര്‍ കോളേജിലെ അര്‍ജുന്‍ മനോജിനെയും തെരഞ്ഞെടുത്തു. ടോപ്പ് സ്‌കോറര്‍ ജിംഖാന ക്ലബ്ബിന്റെ നിവേദ് സതീശാണ്.
വിജയികള്‍ക്ക് ജില്ലാ പഞ്ചായത്ത് പ്രസിഡന്റ് കെ വി സുമേഷ് ട്രോഫികള്‍ നല്‍കി. ഫുട്ബോള് അസോസിയേഷന്‍ ജില്ലാ പ്രസിഡന്റ് വി പി പവിത്രന്‍ അധ്യക്ഷനായി. സെക്രട്ടറി പി സയ്ദ് സ്വാഗതം പറഞ്ഞു.
Post Your Comments