കോഴിക്കോട്: അഖില കേരള ടെക്‌നിക്കല്‍ ഹൈസ്‌കൂള്‍ കായിക മേളയില്‍ 111 പോയിന്റുമായി പാലക്കാട് ഗവ. ടെക്‌നിക്കല്‍ ഹൈസ്‌കൂള്‍ ചാമ്പ്യനായി. 86 പോയിന്റുമായി ഷൊര്‍ണൂര്‍ ഗവ. ടെക്‌നിക്കല്‍ ഹൈസ്‌കൂളാണ് റണ്ണേഴ്‌സ്. കൊടുങ്ങല്ലൂര്‍ ഗവ. ടെക്‌നിക്കല്‍ ഹൈസ്‌കൂള്‍ മൂന്നാമതെത്തി. അതിഥ്യമരുളിയ വെസ്റ്റ്ഹില്‍ ഗവ. ടെക്‌നിക്കല്‍ ഹൈസ്‌കൂള്‍ 15ാം സ്ഥാനത്താണ്.
മെഡിക്കല്‍ കോളേജ് ഒളിമ്പ്യന്‍ റഹ്മാന്‍ സ്‌റ്റേഡിയത്തില്‍ നടന്ന മീറ്റില്‍ 39 സ്‌കൂളുകളില്‍നിന്നായി ആയിരത്തിലധികം വിദ്യാര്‍ഥികള്‍ പങ്കെടുത്തു.
സമാപന സമ്മേളനം എ പ്രദീപ് കുമാര്‍ എംഎല്‍എ ഉദ്ഘാടനം ചെയ്തു. കോര്‍പറേഷന്‍ ആരോഗ്യ സമിതി ചെയര്‍മാന്‍ കെ വി ബാബുരാജ് അധ്യക്ഷനായി. കൗണ്‍സിലര്‍മാരായ എം എം പത്മാവതി, കെ കെ റഫീഖ്, വെസ്റ്റ്ഹില്‍ ടിഎച്ച്എസ് പിടിഎ പ്രസിഡന്റ് പി കെ അനില്‍കുമാര്‍ എന്നിവര്‍ സംസാരിച്ചു. സാങ്കേതിക വിദ്യാഭ്യാസ വകുപ്പ് ജോ. ഡയറക്ടര്‍ പി ബീന സ്വാഗതവും ഗവ. ടിഎച്ച്എസ് സൂപ്രണ്ട് കെ കെ രാജേഷ് നന്ദിയും പറഞ്ഞു.
Post Your Comments