മനില : മോഷ്ടിച്ച മൊബൈല്‍ ഉടമയ്ക്ക് വിൽക്കാനൊരുങ്ങിയ കള്ളനെ കയ്യോടെ പിടികൂടി. ഫിലിപ്പീന്‍സിലാണ് സംഭവം നടന്നത്. ഒരു സ്ത്രീയും മകളുമാണ് മോഷ്ടാവിനെ പിടികൂടിയതെന്ന് ഫിലിപ്പിനോ ടൈംസ് റിപ്പോര്‍ട്ട് ചെയ്യുന്നു. റോഡിലൂടെ നടന്നു പോവുകയായിരുന്ന സ്ത്രീയുടെ മൊബൈൽ തട്ടിക്കൊണ്ടു പോവുകയായിരുന്നു മോഷ്ടാവ്.
മകളുടെ സഹായത്തോടെ യുവതി മൊബൈൽ ട്രാക്കുചെയ്തു കണ്ടെത്താന്‍ ശ്രമിച്ചെങ്കിലും സാധിച്ചില്ല. എന്നാൽ സ്വന്തം മൈബൈൽ ഓൺലൈൻ വിൽപ്പനയ്ക്ക് വെച്ചിരിക്കുന്നത് കണ്ടതോടെ യുവതി അത് വാങ്ങാൻ നിശ്ചയിച്ചു. തുടർന്ന് മോഷണവിവരം പോലീസിനെ അറിയിക്കുകയും ചെയ്‌തു.
ഒടുവില്‍ മോഷ്ടിച്ച ഫോണ്‍ കൊടുത്തു പണം വാങ്ങാൻ യുവാവ് എത്തിയതോടെ കാത്തുനിന്ന പോലീസ് സംഘം പിടികൂടുകയായിരുന്നു. എന്നാല്‍ മൊബൈല്‍ മോഷ്ടിച്ചതല്ലെന്നും കളഞ്ഞുകിട്ടിയതാണെന്നുമാണ് യുവാവിന്‍റെ വാദം.
Post Your Comments