കൊച്ചി : സമൂഹ മാധ്യമങ്ങള്‍ വഴി ഓഫറുകളും വിലക്കിഴിവും പ്രഖ്യാപിച്ച് ഹാഷിഷും കഞ്ചാവും വിറ്റഴിച്ചിരുന്ന രണ്ടു പേരെ കൊച്ചി ഷാഡോ പൊലീസ് പിടികൂടി.
പള്ളരുത്തി സ്വദേശി സുബിന്‍ (24), ഇടുക്കി വണ്ടിപെരിയാര്‍ സ്വദേശി രാജന്‍ സെല്‍വം (37) എന്നിവരാണ് പോലീസ് പിടിയിലായത്.
വില്‍പനയ്ക്കായി തയ്യാറാക്കിയ നിലയില്‍ നിരവധി പാക്കറ്റ് ഹാഷിഷും, കഞ്ചാവും, ലഹരി വസ്തുക്കള്‍ വിറ്റഴിച്ച് കിട്ടിയ 49500 രൂപ, ഇലക്ട്രോണിക് ത്രാസ് തുടങ്ങിയവയും ഇവരില്‍ നിന്നും കണ്ടെടുത്തു. ക്രിസ്മസ്, പുതുവല്‍സര ആഘോഷങ്ങള്‍ക്കിടയില്‍ വില്‍പന നടത്തുവാനായി സ്റ്റോക്ക് ചെയ്ത ഹാഷിഷും, കഞ്ചാവും, കനത്ത റെയ്ഡുകളെ തുടര്‍ന്ന് ഇവര്‍ക്ക് വില്‍പന നടത്താന്‍ സാധിച്ചിരുന്നില്ല.
തുടര്‍ന്നായിരുന്നു സംഘം നാല്‍പത് ശതമാനം ഓഫറിട്ട് വിറ്റഴിച്ചിരുന്നത്. വാട്‌സാപ്പ്, മെസഞ്ചര്‍ തുടങ്ങിയവയിലെ ഗ്രൂപ്പുകളാണ് സംഘം ഇവയ്ക്കായി ഉപയോഗിച്ചിരുന്നത്.
Post Your Comments