ഓച്ചിറ: ബീച്ചില്‍ കുളിക്കാനിറങ്ങി തിരയില്‍പ്പെട്ട് കാണാതായ യുവാവിന്റെ മൃതദേഹം കണ്ടെത്തി. പന്തളം കുളനട കൈപ്പുഴ നോര്‍ത്ത് ബിബിന്‍ വില്ലയില്‍ ബിബിന്‍ ബാബുവി(19)ന്റെ മൃതദേഹമാണ് ഇന്നലെ വൈകുന്നേരം 3.20ന് അഴീക്കല്‍ ബീച്ചിന് സമീപത്തു നിന്നു ലൈഫ് ഗാര്‍ഡുകള്‍ കണ്ടെത്തിയത്. ഞായറാഴ്ച 6.30നു കുളിക്കാനിറങ്ങിയ ബിബിനും 2 സുഹൃത്തുക്കളും തിരയില്‍പ്പെടുകയായിരുന്നു. സുഹൃത്തുക്കള്‍ നീന്തി രക്ഷപ്പെട്ടു.ലൈഫ് ഗാര്‍ഡുകളും തീരദേശ പൊലീസും മറൈന്‍ എന്‍ഫോഴ്‌മെന്റും രാത്രി കടലില്‍ തിരച്ചില്‍ നടത്തിയിരുന്നു.
Post Your Comments