നെടുമങ്ങാട് : കെഎസ്ആർടിസി ബസ് അപകടത്തിൽപെട്ട് 28 പേർക്ക് പരിക്ക്. ബസിന്റെ ആക്സിൽ ഒടിഞ്ഞ് നിയന്ത്രണം വിട്ട് മൺതിട്ടയിൽ ഇടിച്ചു നിൽക്കുകയായിരുന്നു. മന്നൂർക്കോണം 18 ആർച്ച് ജംക്‌ഷനു സമീപത്തായിരുന്നു അപകടം നടന്നത്. ഡ്രൈവറും കുട്ടികളുമടക്കം 28 പേർക്ക് പരിക്കേറ്റു.ഗുരുതരമായി പരുക്കേറ്റ 6 പേരെ മെഡിക്കൽ കോളേജിലും മറ്റുള്ളവരെ നെടുമങ്ങാട് ജില്ലാ ആശുപത്രിയിലും പ്രവേശിപ്പിച്ചു.
ഇന്നലെ വൈകിട്ട് നാലുമണിക്ക് വിതുര ജഴ്സി ഫാമിൽ നിന്നു തിരുവനന്തപുരത്തേക്ക് പോകുകയായിരുന്ന വേണാട് ബസാണ് അപകടത്തിൽപെട്ടത്. ബസ് റോഡിനു കുറുകെ നിന്നതു കാരണം അര മണിക്കൂറോളം ഗതാഗതം തടസ്സപ്പെട്ടു.
Post Your Comments