കടകമ്പള്ളി സുരേന്ദ്രന്‍ പകല്‍മാന്യന്‍; കെ. സുരേന്ദ്രന്‍

കടകമ്പള്ളി സുരേന്ദ്രന്‍ പകല്‍മാന്യനെന്ന് കെ സുരേന്ദ്രന്‍ അഭിപ്രായപ്പെട്ടു. വിശ്വാസികളെ കടകമ്പള്ളി വഞ്ചിച്ചുകൊണ്ടിരിക്കുകയാണെന്നും ഇതിലും ഭേദം ഒരു കഷ്‌ണം കയറെടുക്കുന്നതാണ് താങ്കള്‍ക്ക് നല്ലത് എന്നും സുരേന്ദ്രന്‍ കുറിച്ചു. ശബരിമലവിഷയത്തില്‍ കടകമ്പള്ളിക്കെതിരെ ശക്തമായ പ്രതിഷേധമാണ് കെ സുരേന്ദ്രന്‍ രേഖപ്പെടുത്തിയിരിക്കുന്നത്. ഫേസ്ബുക് പോസ്റ്റിലൂടെയാണ് അദ്ദേഹം പ്രതികരിച്ചത്.

ഫേസ്ബുക് പോസ്റ്റിന്റെ പൂര്‍ണ്ണരൂപം

കഴിഞ്ഞ നിയമസഭാ തെരഞ്ഞെടുപ്പില്‍ കടകമ്പള്ളി സുരേന്ദ്രന്‍ കഴക്കൂട്ടം മണ്ഡലത്തില്‍ ബി. ജെ. പി നേതാവ് ശ്രീ. വി. മുരളീധരനോട് 6000 വോട്ടിനാണ് വിജയിച്ചത്. ദിവസവും രാവിലെയും വൈകീട്ടും ഒരു ലജ്ജയുമില്ലാതെ ശബരിമല വിഷയത്തില്‍ പിണറായി പറയുന്നതിന് കടകവിരുദ്ധമായി ഈ പകല്‍മാന്യന്‍ സംസാരിക്കുന്നതിന്റെ കാരണവും അതു തന്നെയല്ലേ. മണ്ഡലവിളക്കു കഴിഞ്ഞപ്പോള്‍ ഇനി ആക്ടിവിസ്ടുകള്‍ അങ്ങോട്ട് വരരുതെന്ന് ഇയാള്‍ പറഞ്ഞുകൊണ്ടേയിരിക്കുകയാണ്. കേട്ടാല്‍ തോന്നും ആക്ടിവിസ്ടുകള്‍ സ്വമേധയാ വരികയാണെന്ന്. മധുരയില്‍ പോയി മനിതിക്കാരെ കൂട്ടിക്കൊണ്ടുവന്നതും പത്തുമുപ്പതു യുവതികളെ പൊലീസ് അകമ്പടിയോടുകൂടി എഴുന്നെള്ളിച്ചതും വിശ്വാസികള്‍ മറന്നു എന്നാണോ ഈ ആചാരക്കള്ളന്‍ വിചാരിക്കുന്നത്? ആചാരലംഘനത്തിന് പഠിച്ചപണി പതിനെട്ടും പയറ്റിയ കടകമ്പള്ളി അത് നടക്കില്ലെന്നുറപ്പായപ്പോള്‍ വിശ്വാസികളെ കബളിപ്പിക്കാന്‍ പുതിയ ബഡായികളുമായി ഇറങ്ങിയിരിക്കുന്നത് ആര്‍ക്കും മനസ്സില്ലാവില്ലെന്നാണോ കരുതിയത്? കഴക്കൂട്ടത്തും തിരുവനന്തപുരത്തും ഇനി പച്ച തൊടില്ലെന്ന് മനസ്സിലായതുകൊണ്ടാണല്ലോ ഈ നാണം കെട്ട ഉരുളല്‍. കടകമ്പള്ളി സുരേന്ദ്രാ ഇതിലും ഭേദം ഒരു കഷണം കയറെടുക്കുന്നതാണ് താങ്കള്‍ക്ക് നല്ലത്.

https://www.facebook.com/KSurendranOfficial/posts/2055170604567565?__xts__%5B0%5D=68.ARAsh4XwcN4VMop6udEQh4yr8XCU-TVkPLA1TMv2sN_Rq4i1cicnMB5XH5SvOSCElywnNWusRy1Bg4NbDzdu-Y-z20kQGoVjb-esa2rzu7j_IGU9WbX-_RkS7FzfVF8Ik4B9Kc9dP_tJFOcQntJDILB26Pjmn5WKCsoDODcljyvQ1Smq_FTiydsF8WZmirmP55Ke93BSbYWFQyJvGlCxKcDjFtnJ0Ebd4hZ86vtp2Q6EPXwcWLJVkHebbG_iC5JvSq5TvJtCLdCVUSiH9oCo-jBYu_SG1pkkj7dnj8qfwWbSlp3PpBOCVprnnD8TH_ClXDuMaBbfKBbTF4-4hiQbww&__tn__=-R