ശക്തമായ ഭൂചലനം

കാരക്കാസ്•വെനസ്വേലയില്‍ റിക്ടര്‍ സ്കെയിലില്‍ 5.5 തീവ്രത രേഖപ്പെടുത്തിയ ഭൂചലനം അനുഭവപ്പെട്ടതായി യു.എസ് ജിയോളജിക്കല്‍ സര്‍വേ.

പ്രാദേശിക സമയം പുലര്‍ച്ചെ 5 മണിയോടെയാണ് ഭൂചലനമുണ്ടായത്. സാന്‍ ഡിഗോയ്ക്ക് രണ്ട് കിലോമീറ്റര്‍ വടക്കുകിഴക്കായി 6 മൈല്‍ ആഴത്തിലാണ് ഭൂചലനം ഉണ്ടായതെന്നും യു.എസ് ജിയോളജിക്കല്‍ സര്‍വേ അറിയിച്ചു.

ഇതേ പ്രദേശത്ത് 25 മിനിറ്റിനു ശേഷം 5.0 തീവ്രത രേഖപ്പെടുത്തിയ മറ്റൊരു ചലനം കൂടിയുണ്ടായതായും യു.എസ് ജിയോളജിക്കല്‍ സര്‍വേ അറിയിച്ചു.

ഭൂചലനത്തില്‍ ആളപായമോ നാശനഷ്ടമോ ഇതുവരെ റിപ്പോര്‍ട്ട് ചെയ്യപ്പട്ടിട്ടില്ല.