പാലക്കാട് : പുതുവത്സര ആഘോഷങ്ങള്‍ക്കായി പൊള്ളാച്ചിയില്‍ നിന്നും നിലമ്പൂരിലേക്ക് കഞ്ചാവ് കടത്താന്‍ ശ്രമിച്ച കേസില്‍ നാല് യുവാക്കള്‍ പിടിയില്‍.
മലപ്പുറം നിലമ്പൂര്‍ വാണിയമ്പലം സ്വദേശികളായ വിഷ്ണു, മുഹമ്മദ് റഫീസ്, തുര്‍മ്മതി, സുധീഷ് എന്നിവരാണ് പിടിയിലായത്. കാറില്‍ കഞ്ചാവ് കടത്താവുള്ള ശ്രമത്തിനിടെ ആലത്തൂര്‍ എക്‌സൈസ് ഇന്‍സ്‌പെക്ടര്‍ സി.പി.മധുവിന്റെ നേതൃത്വത്തിലുള്ള സംഘമാണ് കഞ്ചാവ് പിടികൂടിയത്.
പഴമ്പാലക്കോട് പ്രാഥമിക ആരോഗ്യ കേന്ദ്രത്തിന് മുന്നില്‍ വെച്ചായിരുന്നു പരിശോധന. 400 ഗ്രാം കഞ്ചാവ് ഇവരില്‍ നിന്നും പിടിച്ചെടുത്തു. വയനാട്ടിലേക്ക് സ്ഥിരമായി കഞ്ചാവ് കടത്തുന്ന റാക്കറ്റിലെ മുഖ്യ കണ്ണികളാണ് ഇവരെന്ന് എക്‌സൈസ് പറഞ്ഞു.
Post Your Comments