പനജി: വിമാനം പറക്കുന്നതിനിടെ യാത്രക്കാരൻ പുകവലിച്ചു. സംഭവത്തെത്തുടർന്ന് യാത്രക്കാരനെ അധികൃതർ അറസ്റ്റ് ചെയ്തു. വിമാനത്തിന്റെ ശുചിമുറിയിലിരുന്ന് യാത്രക്കാരന്‍ പുകവലിക്കുന്നത് ജീവനക്കാരുടെ ശ്രദ്ധയിൽപ്പെടുകയായിരുന്നു. ക്രിസ്തുമസ് ദിനത്തില്‍ അഹമ്മദാബാദില്‍ നിന്ന് ഗോവയിലേക്ക് വരികയായിരുന്ന ഇന്‍ഡിഗോ ആര്‍ഇ-947 വിമാനത്തിലാണ് സംഭവം അരങ്ങേറിയത്.
വിമാനം ഗോവയിലെത്തിയ ഉടന്‍ യാത്രക്കാരനെ പോലീസ് പിടികൂടി സിആര്‍പിഎഫിന് കൈമാറി. ഇന്ത്യയിലെ ആഭ്യന്തര വിമാന സര്‍വീസുകളില്‍ പുകവലിക്കുന്നത് നിയമവിരുദ്ധമാണ്.
Post Your Comments