മലയാളി പ്രേക്ഷകരുടെ മനം കവര്‍ന്ന യുവ താരം ടൊവിനോ തോമസ് പൊലീസ് വേഷത്തിലെത്തുന്ന കല്‍കിയില്‍ നായികയെ തേടുന്നു. സോഷ്യല്‍ മീഡിയ വഴി വ്യത്യസ്തമായൊരു നായികയെ തേടലാണ് അണിയറ പ്രവര്‍ത്തകര്‍ നടത്തുന്നത്. നിഗൂഢത നിറഞ്ഞ നോട്ടം, ആരെയും മയക്കുന്ന ചിരി, ദൃഢമായ സംസാര ശൈലി, സത്ഗുണ സമ്പന്ന എന്നിവയാണ് ഈ സിനിമയിലെ നായികയ്ക്ക് ആവശ്യം.
ഈ ഗുണങ്ങളുള്ള യുവനടികളെ അന്വേഷിച്ചിട്ട് കിട്ടാനില്ലെന്നും കണ്ടുകിട്ടുന്നവരോ യുവതികള്‍ സ്വമേധയോ kalkicasting1@gmail.com എന്ന ഇ മെയില്‍ ഐഡിയിലേക്കോ 9496778713 എന്ന നമ്പറിലേക്കോ ബയോഡാറ്റയും ഫോട്ടോയും അയക്കണെമെന്നാണ് നിര്‍ദേശം. എന്നാല്‍ യൂ ക്യാം ആപ്പില്‍ എടുത്ത ഫോട്ടോകള്‍ അയക്കേണ്ടതില്ലെന്ന് പ്രത്യേകം പറയുന്നു.
പ്രവീണ്‍ പ്രഭരം സംവിധാനം ചെയ്യുന്ന ഈ ആക്ഷന്‍ ത്രില്ലര്‍ സിനിമയിലേക്ക് ഗുണ്ടയായി അഭിനയിക്കാനും ആളെ തേടിയിരുന്നു. ലുക്ക് ഔട്ട് നോട്ടീസ് എന്ന പേരിലുള്ള പോസ്റ്റില്‍ തീ പാറുന്ന നോട്ടവും ദൃഢമായ ശരീരവും ആരെയും കൂസാത്ത പ്രകൃതവുമുള്ള ആകാശം മുട്ടെ ഉയരമുള്ളയാളെ വേണമെന്നായിരുന്നു അറിയിപ്പ്. ലിറ്റില്‍ ബിഗ് ഫിലിംസിന്റെ ബാനറില്‍ നിര്‍മ്മിക്കുന്ന ചിത്രത്തിന്റെ തിരക്കഥ ഒരുക്കിയിരിക്കുന്നത് സംവിധായകനും സുജിന്‍ സുജാതനും ചേര്‍ന്നാണ്. സുവിന്‍.കെ.വര്‍ക്കിയും പ്രശോഭ് കൃഷ്ണയും ചേര്‍ന്നാണ് ചിത്രം നിര്‍മ്മിക്കുന്നത്.
Post Your Comments