പാലക്കാട് : മലമ്പുഴ വനിത ഐ.ടി.ഐ യില്‍ ഇന്‍സ്റ്റിറ്റ്യൂട്ട് മാനേജ്‌മെന്റ് കമ്മിറ്റിയുടെ കോഴ്‌സുകളിലേയ്ക്ക് അപേക്ഷ ക്ഷണിച്ചു. ഹൃസ്വകാല കോഴ്‌സുകളിലേയ്ക്കാണ് പ്രവേശനം നടത്തുന്നത്. ഒന്നുമുതല്‍ മൂന്നുമാസം വരെ ദൈര്‍ഘ്യമുള്ള കോഴ്‌സുകളാണ് നല്‍കുന്നത്.
ബ്യൂട്ടിഷന്‍ ആന്‍ഡ് കോസ്‌മെറ്റിക്‌സ് കെയറിങ്, എംബ്രോയ്ഡറി ആന്‍ഡ് സ്റ്റിച്ചിങ്ങ്, കാലാവധിയുളള കമ്പ്യൂട്ടര്‍ ഹാര്‍ഡ്വെയര്‍ ആന്‍ഡ് നെറ്റ്വര്‍ക്ക്, ടാലി, ഇ.ആര്‍.പി.9 വിത്ത് ജി.എസ്.ടി, എം.എസ് ഓഫീസ് ഇന്റര്‍നെറ്റ്, എന്നീ കോഴ്‌സുകളിലേക്കാണ് പ്രവേശനം. എട്ടാം ക്ലാസ്, എസ്.എസ.്എല്‍.സി. വിദ്യാഭ്യാസമുള്ളവര്‍ക്ക് കോഴ്‌സിലേയ്ക്ക്് അപേക്ഷ സമര്‍പ്പിക്കാം. അപേക്ഷ ലഭിക്കേണ്ട് അവസാന തീയതി ജനവരി 15ന് വൈകിട്ട് നാല് മണി. കൂടുതല്‍ വിവരങ്ങള്‍ക്ക് ബന്ധപ്പെടേണ്ട നമ്പര്‍ 0491 2815181.
Post Your Comments