കൂത്തുപറമ്പ് : ബസ്സില്‍ ലഹരി ഗുളികകള്‍ കടത്താന്‍ ശ്രമിച്ച യുവാവ് എക്‌സൈസിന്റെ പിടിയിലായി. പയ്യോളി സ്വദേശി സറഫുദിനാണ് അറസ്റ്റിലായത്.
കൂത്തുപറമ്പ് എക്‌സൈസ് റേഞ്ച് ഇന്‍സ്‌പെക്ടര്‍ കെ.പി പ്രമോദിന്റെ നേതൃത്വത്തില്‍ ശനിയാഴ്ച്ച പുലര്‍ച്ചെ തൊക്കിലങ്ങാടിയില്‍ നടത്തിയ വാഹന പരിശോധനയിക്കിടയിലാണ് ബാംഗളൂരുവില്‍ നിന്നും കണ്ണൂരിലേക്ക് വരികയായിരുന്ന കണ്ണൂര്‍ ബസ്സില്‍ നിന്നും യുവാവ് പിടിയിലായത്.
282 ഗ്രാം ലഹരി ഗുളികകളാണ് ഇയാളില്‍ നിന്നും പിടിച്ചെടുത്തത്. വടകര ഭാഗങ്ങളിലെ സ്‌കൂള്‍, കോളേജ് വിദ്യാര്‍ത്ഥികളെ ലക്ഷ്യമിട്ടാണ് ഗുളികകള്‍ എത്തിക്കുന്നതെന്ന് പ്രതി ചോദ്യം ചെയ്യലില്‍ സമ്മതിച്ചു. കൂത്തുപറമ്പ് കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
Post Your Comments