കോട്ടയം: ശബരിമലയിലേക്ക് പോകാന്‍ പോലീസ് സുരക്ഷ ഒരുക്കണമെന്ന് ആവശ്യപ്പെട്ട് ആദിവാസി നേതാവ് അമ്മിണി വീണ്ടും രംഗത്ത്. ഇക്കാര്യമാവശ്യപ്പെട്ട് കോട്ടയം എസ്പിയെ കാണുമെന്ന് അമ്മിണി മാധ്യമങ്ങളോട് പറഞ്ഞു. മനിതിയുടെ കേരളത്തിലെ പ്രതിനിധികളിൽ ഒരാളാണ് അമ്മിണി. ഇവർ ഇന്നലെ മനിതി പ്രവർത്തകരോടൊപ്പം മല കയറാനാണ് ഇവർ തീരുമാനിച്ചിരുന്നത്.
കഴിഞ്ഞ ദിവസം മലകയറാനായി പോലീസ് സുരക്ഷയില്‍ അമ്മിണി എരുമേലി വരെ എത്തിയിരുന്നു. എന്നാല്‍ ശക്തമായ പ്രതിഷേധമാണ് ഭക്തരുടെ ഭാഗത്തുനിന്നുണ്ടായത്. ഇതിനെ തുടര്‍ന്ന് അമ്മിണി തിരികെ പോകുകയും ചെയ്തിരുന്നു. തുടർന്ന് ഇന്ന് കനക ദുർഗയും ബിന്ദുവും മല കയറാനെത്തിയതോടെയാണ് അമ്മിണിയും സുരക്ഷ ആവശ്യപ്പെടുമെന്ന് വ്യക്തമാക്കിയത്.
Post Your Comments